SOCAR daxili bazarda daha bir istiqraz emissiyası yerləşdirə bilər. $100 mln məbləğində (100 min ədəd, nominal $1 min) qiymətli kağızlara tələb təklifdən iki dəfə çox - $203 mln 604 min olub.
Kampaniya 20 sentyabrda başlayıb və 10 oktyabrda başa çatıb.
ASAN xidmət, Azərbaycan Beynəlxalq Bankı, Azər-Türk Bank, Xalq Bank, Kapital Bank, Rabitə Bank, AzFinance, İnvestAz, Paşa Kapital və anderrayterliyi öhdəsinə götürən PSG Kapitalın işbirliyi ilə toplanmış ön sifarişlərin yekun sifariş halına gəlməsindən sonra bölüşdürülməsi prosesi 12 oktyabrda, yerləşdirilməsi isə 13 oktyabrda gerçəkləşdiriləcək. 14 oktyabradək Azərbaycan Respublikası Maliyyə Bazarlarına Nəzarət Palatasının təsdiqləməsindən sonra 17 oktyabrda İkinci Bazar əməliyyatları başlanacaq.
SOCAR əvvəllər məlumat verdiyi kimi, 5%-lik kağızların buraxılmasında məqsəd maliyyə kanallarının şaxələndirilməsi, yeni investisiya imkanlarının yaradılmasıdır, vəsaitlərin xarici öhdəliklərin ödənilməsinə yönəldiləcək.
SOCAR əvvəllər avrobondlar yerləşdirib. --17D—
İqtisadiyyat
-
12-ci Beynəlxalq Xəzər Enerji Forumu bu gün Bakıda işinə başladı. Forum, Xəzər Enerji Klubu ilə Enermus əməkdaşlığında təşkil olunur və Xəzər-Qara Dəniz və Baltik bölgələrindən 500-dən çox nümayəndəni bir araya gətirir.
-
Dünya Bankının Azərbaycan üzrə ölkə meneceri Stefani Stollmeyster bildirib ki, Dünya Bankı sistemin davamlılığını yaxşılaşdırmaq və artan su çatışmazlığı problemini həll etmək üçün Azərbaycana su sektorunda subsidiyaları azaltmağı tövsiyə edib.
-
Ötən həftə Rusiya Mərkəzi Bankı faiz dərəcəsini illik 18-dən 19 faizə qaldırıb. Faiz dərəcəsinin artırılması ilə bağlı qərar əhalinin və biznesin inflyasiya gözləntilərinin artması fonunda qəbul edilib.
-
Azərbaycan Respublikası Nazirlər Kabineti Azərbaycan Prezidentinin 28 iyun 2024-cü il tarixli fərmanına əsasən, əmək müqavilələrinin elektron sənəd formatına məcburi keçirilməsinin müfəssəl müddətlərini açıqlayıb. Baş nazir Əli Əsədovun sentyabrın 17-də imzaladığı sərəncamda əmək sənədlərinin müasirləşdirilməsi və səmərəliliyin artırılması məqsədilə müxtəlif kateqoriyalı işəgötürənlər üçün mərhələli icra müddəti müəyyən edilib.
Rəy yaz