Gənclər rüşvətxor və avtoritarları aşkar edirlər

D-18 Gənclər hərəkatı sorğu nəticəsində təhsil sahəsindəki nominasiyaları müəyyən edib.

Belə ki, avtoritar, rüşvətxor müəllimlər nominasiyası üzrə qaliblər müəyyən edilib. “Dövlət İqtisad Universitetində Tapdıq adında müəllim var, rüşvətxorluqda ad çıxarıb, ona görə də bütün universitet ona “dollar Tapdıq” deyir, deyə D-18-in rəhbəri Ruslan İzzətli bildirib.

Ən avtoritar rektor sırasında BDU rektoru Abel Məhərrəmov yer alıb. Daha bir rüşvətxor müəllim sırasında “Cavanşir Beydulla”nın adı çəkilir. C.Beydulla Dillər Universitetinin müəllimidir.  

Bununla yanaşı, rüşvət almayan müəllimlər üzrə də nominasiya var. BDU-nun müəlliməsi Nüşabə Sadıxlı belə müəllimlərdən biridir. Tədbirə qatılan N.Sadıxlı “rüşvət almayan müəllimə” nominasiyasında qalib olub. Biır sıra müəllimlər “rüşvət almayan müəllimlər” niominasiyasında qalib olsalar da, universitetlərin rəhbərliyinin qorxusundan mükafatlarını almağa gəlməyiblər.

Tədbirə dəvət edilən Tələbə Qəbulu üzrə Tələbə Komissiyasının ilk sədri Vurğun Əyyub rüşvəti və rüşvət almağı pisləyib. Ölkədə rüşvətin yayılmasına səbəb kimi “hər ölkədə rüşvət var” deyən rəsmi Bakının rüşvətə loyal yanaşması göstərilib.

Rüşvət məsələsinin təkcə müəllimlərlə məhdudlaşmadığı, həkimlərin də bu sıraya aid edildiyini bildirib. “Rüşvətxorluq əslində ölkəni idarəetmə üsuluna döndərilib”, - deyə V.Əyyub ölkədə rüşvət faktlarını pisləyib. Maaşların aşağı olması üzündən müəllimlərin rüşvət almağa məcbur olduqları vurğulanıb, amma bunun müəllimlər üçün çıxış və ya bəraət yolu olmaması xüsusi qeyd edilib. 

“Bu təhsilin, təkcə təhsilin yox, həm də ictimai-siyasi idarəetmənin deformasiyasi kimi dəyərləndirilə bilər”, - deyə Vətəndaş və İnkişaf Partiyasının (VİP) sədri Əli Əliyev nəzərə çatdırıb. Xaqla geniş təmasa malik olan müəllim və həkimlərin aşağı maaşa möhtac edilməsi rəsmi Bakının siyasəti kimi dəyərləndirilib. “Bu sıradan bir məsələ deyil, rüşvət indiki iqtidarın idarəçilik sistemidir”, deyə VİP sədri ölkədə və o cümlədən təhsildə mövcud olan rüşvətxorluğa münasibət ifadə edib.

R.İzzətli D-18-in “Təhsildə rüşvətə yox” sahəsində çalışmalarını bundan sonra da davam etdirəcəyini qeyd edib. -05C-