![Güc qurumları tərəfindən öldürülən A.Sərxaninin həyat yoldaşı təzyiq və təhdidlər haqqında məlumat verib](https://turan.az/resized/media/2019/main/100900022209-750-500-resize.webp)
Güc qurumları tərəfindən öldürülən A.Sərxaninin həyat yoldaşı təzyiq və təhdidlər haqqında məlumat verib
Bakı/09.10.19/Turan: 2018-ci ilin yayında Gəncədə güc qurumlarının həyata keçirdiyi xüsusi əməliyyat zamanı öldürülmüş "Müsəlman Birliyi" Hərəkatının üzvü Ağa Sərxaninin həyat yoldaşı Sevinc Sərxani videomüraciət yayaraq, hüquq-mühafizə orqanları tərəfindən təzyiqə məruz qaldığını bildirib.
O qeyd edir ki, bir ildən çoxdur dəfn olunması üçün həyat yoldaşının nəşinin ailəsinə verilməsinə nail olmağa çalışır. Onun sözlərinə görə, müxtəlif dövlət orqanlarına müraciət etdikdən sonra onu Gəncə şəhər Kəpəz rayon polis idarəsinə çağırıblar və şikayətlərinə son qoymağı tələb ediblər. Əks halda onu övladları ilə hədələyirlər.
S.Sərxani həmçinin bildirir ki, polisə çağırıldıqdan sonra mülki geyimli şəxslər onu izləyir. O, ailə üzvlərinin həyat və sağlamlığına dəyə biləcək ziyana görə Gəncə hakimiyyətinin məsuliyyət daşıyacağını bəyan edib.
* 2018-ci il iyulun 3-də Gəncədə şəhərin o vaxtki icra başçısı Elmar Vəliyevə qarşı sui-qəsd olub. Gəncə sakini Yunis Səfərov onu və cangüdənini yaralayıb.
Bundan sonra sosial şəbəkələrdə iyulun 10-na Gəncə şəhər administrasiyasının binası qarşısında Vəliyevə qarşı etiraz aksiyası təyin edilib. Elə həmin gün DİN Gəncədə iğtişaşlar baş verdiyi, iki polis əməkdaşının qətlə yetirildiyi barədə məlumat yayıb. Daha sonra dindarlar və digər şəxslər arasında kütləvi həbslər başlayıb, habelə xüsusi əməliyyatlar həyata keçirilib, bu əməliyyatlar zamanı ən az altı nəfər öldürülüb. Rəsmi versiyaya görə, onlar silahlı müqavimət göstərdiklərinə görə zərərsizləşdiriliblər. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz