Açiq mənbələrdən foto.
Güclü istilərdə işçilərin hüquqları qorunurmu?
Bakı/22.06.21/Turan: Ekologiya və Təbii Sərvətlər Nazirliyinin sinoptikləri bir həftə ərzində Bakıda və Abşeronda 40-42 dərəcə səviyyəsində güclü istinin olacağı barədə xəbərdarlıq yayıb.
Küçədə və ya sərinlətmə sistemi olmayan otaqda çalışanların vəziyyəti necə olacaq? Qanunvericilikdə bu barədə nə deyilir? Əməkçilərin hüquqlarını qorumaq üçün müvafiq qurumlar tərəfindən hansı addımlar atılır?
Əmək və Əhalinin Sosial Müdafiəsi Nazirliyindən Turan-a bildiriblər ki, işəgötürənlər havanın temperaturu müsbət 41 dərəcədən çox olduqda fəhlələri qorumaq üçün lazımi tədbirlər görməlidirlər. "Əmək Məcəlləsinin 233-cü maddəsinə əsasən sərinləşdirici qurğular yoxdursa, açıq havada və qapalı binalarda bütün növ işlər dayandırılmalıdır", - nazirlikdən qeyd ediblər.
Belə hallarda işdə fasilə elan edilməlidir və bunun müddəti işəgötürən və Həmkarlar İttifaqı tərəfindən birgə müəyyən edilməlidir. Məcəlləyə görə, fasilələr iş saatlarına daxil edilməlidir.
İstidə adamların həyatını təhlükə altına alan işəgötürənlər 1000-2000 manat məbləğində cərimə ediləcəklər. "Əgər hər hansı işçi işəgötürəndən şikayət edərsə, Dövlət Əmək Müfəttişliyi araşdırma aparacaq", - nazirlikdən qeyd ediblər.
Açıq havada işləməyə məcbur qalmış şəxslər Əmək və Əhalinin Sosial Müdafiəsi Nazirliyinin 142 çağırış mərkəzinə şikayət edə bilərlər.
Vətəndaşların Əmək Hüquqlarının Müdafiəsi Liqasının sədri Sahib Məmmədov Turan-a bildirib ki, qanun zəhmətkeşlərin hüquqlarını qoruyur, amma praktikada buna əməl olunmur.
"Praktikada bu edilmir. Asfaltın döşənməsi işilə bağlı misal çəkmək olar. Temperatur 45 dərəcəyə çatır, üstəlik asfaltın istisi, amma işlər davam edir. Tikintilərdə də işlər davam etdirilir", - Məmmədov qeyd edib.
Nəzarət edən orqan yoxdur. Bunu Əmək Müfəttişliyi etməlidir, lakin onların fəaliyyətinə moratorium tətbiq edilib (sahibkarları əsassız yoxlamalardan qorumaq üçün). Bu xidmətdə cəmi 250-300 nəfər çalışır, yoxlanılmalı olan iş yerləri isə on minlərlədir, Məmmədov deyib.
Hüquqşünas Ələsgər Məmmədli qeyd edib ki, əgər dövlət orqanının üzərinə nəzarət funksiyası qoyulubsa, istənilən şikayət araşdırılmalıdır. "Nəzarət iki formada aparılır. Birinci monitorinqləri, ikinci şikayətlərin yoxlanmasını nəzərdə tutur. Amma hər iki halda bunu Əmək Müfəttişliyi həyata keçirir", - Məmmədli bildirib.—06D-
-
- Din
- 22 İyun 2021 16:02
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz