Bakı/07.08.17/Turan: Son günlər Bayraq Meydanına və yaxınlıqdakı ərazilərə gələnlər ölkənin əsas bayraq ağacının yenidənqurması üzrə işlərin başladığını müşahidə edir. Belə ki, bir neçə yüksək kranın köməyi ilə 162 metrlik metal qüllə sökülüb. Göründüyü qədər, hazırda ya Türkmənistana, ya başqa kiməsə məxsus olan dünya rekordunu ona qaytarmaq məqsədilə işlər aparılır.
Görünür, Bakıda düşünüblər ki, artıq buna dözmək olmaz və birinciliyi qaytarmaq lazımdır, xüsusən, ölkənin bütün kəskin problemləri də artıq həll olunub.
Amma bayraq ağacının uzadılması haqqında məsələ elə-belə yaranmayıb. Bununla eyni zamanda ötən bir neçə il ərzində çökməyə və çatlar verməyə başlayan Bayraq Meydanının bünövrəsinin möhkəmləndirilməsi üzrə işlər aparılır.
Şahidlərin sözlərinə görə, faktiki olaraq süni buxtaya söykənən dibin möhkəmləndirilməsi üçün tikilinin özülünə artıq bir-neçə gündür ki, minlərlə ton beton doldurulur.
Buna görə mütəxəssislər hesab edirlər ki, dibin möhkəmləndirilməsi üzrə işlərin effektinə zəmanət yoxdur.
Bu növbəti özünüreklama nə qədər vəsait gedəcəyini heç kim bilmir. Hakimiyyət ümumiyyətlə hansısa işlərin aparılması, xüsusən də ayrılan vəsaitin ölçüsü və mənbəyi haqqında məlumat vermir. Xüsusən, şübhə yoxdur ki, söhbət milyonlardan gedir.
Dövlət başçısı Bayraq Meydanının tikintisi haqqında fərmanı 2007-ci ildə imzalayıb. Layihəni Amerikanın Trident Support şirkəti hazırlayıb və Azərbaycanın Azenko şirkəti həyata keçirib.
2010-cu il sentyabrın 1-də Bakıda Bayraq Meydanının təntənəli açılış mərasimi olub.
2011-ci ilin mayına qədər Bakıdakı bayraq ağacı bütün dünyada ən yüksək ağac idi. Amma Düşənbədə 165 metrlik bayraq ağacı tikilib ki, bu da ideya müəllifinin heysiyyətinə toxunmaya bilməzdi.
Meydan 60 hektarlıq ərazini əhatə edir. Bayraq ağacının ümumi çəkisi 220 tondur. Bayrağın eni 35 metr, uzunluğu 70 metrdir, ümumi sahəsi 2450 kvadrat metr, çəkisi təxminən 350 kiloqramdır. Meydanın tikintisi təxminən 32 milyon dollara başa gəlib.
Meydanda həmçinin dövlət rəmzləri - qızıl suyuna salınmış bürüncdən düzəldilmiş gerb, himnin mətni və Azərbaycan xəritəsi də təsvir edilib və Dövlət Bayrağı Muzeyi yaradılıb.
Maraqlıdır ki, açılışdan etibarən baş bayraq ətrafındakı ərazi vətəndaşların ziyarəti üçün bağlanıb. Oraya yalnız rəsmi nümayəndə heyətləri buraxılır. -02D-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz