Azərbaycan prezidenti İlham Əliyev "Məcburi köçkünlər və onlara bərabər tutulan şəxslər üçün vahid aylıq müavinətin müəyyən edilməsi haqqında" Azərbaycan Respublikası Prezidentinin 23 yanvar 2017-ci il tarixli fərmanına dəyişikliklər edilməsi haqqında fərman imzalayıb.
Fərmana əsasən, fərdi qaydada sayğacların quraşdırılması və texniki istismarı mümkün olmayan sıx müvəqqəti məskunlaşma yerlərində (keçmiş yataqxana, müalicə pansionatları və digər binalarda) faktiki yaşayan məcburi köçkünlərin və onlara bərabər tutulan şəxslərin kommunal xərcləri dövlət tərəfindən mərkəzləşmiş qaydada 1 yanvar 2017-ci il tarixinə qədər mövcud olmuş normalar çərçivəsində ödənəcək. Bu imtiyaz həmin məcburi köçkünlər yeni yaşayış məntəqələrinə köçürülənə qədər etibarlı olacaq.
Həmçinin, bu şəxslər üçün müavinət 1 fevral 2017-ci il tarixindən etibarən 20 manat olacaq.
Xatırladaq ki, 23 yanvar tarixli fərmanla məcburi köçkünlərin pulsuz kommunal xidmət imtiyazları ləğv olunub və adambaşına aylıq 36 manat ölçüsündə təzminat nəzərdə tutulub.
Bu, yataqxanalarda yaşayan, mərkəzləşmiş isitmə sistemi olmadığına görə qışda çox miqdarda elektrik enerjisi sərf edən məcburi köçkünlər arasında etiraz dalğasına səbəb olmuşdu.
Onlar kommunal xidmət işçilərini sayğac quraşdırmaq üçün evlərinə buraxmaqdan imtina edirdilər. -06D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz