Çərşənbə axşamı Sabunçu Rayon Məhkəməsində keçmiş MTN-in üç generalı və bir qrup zabitinin işi üzrə hazırlıq iclası keçirilib.
Müttəhimlər kürsüsündə generallar Sübahir Qurbanov, Teymur Quliyev və Natəvan Mürvətova, həmçinin baş zabitlər Füzuli Əliyev, Zaur Məmmədov, Natiq Alıyev, Fərhad Atayev, Anar Şirəliyev, Eşqin Əliyev və Elşad Əzizov əyləşiblər.
Proses qapalı rejimdə keçirilir. İclasdan sonra vəkillər jurnalistlərə bildiriblər ki, həbs qətimkan tədbirinin ev dustaqlığı ilə əvəzlənməsi barədə vəsatət qaldırıblar. Lakin məhkəmə vəsatəti təmin etməyib. Vəkillər işlə tanış olmaq üçün vaxt istəyiblər. Proses fevralın 21-nə keçirilib.
Xatırladaq ki, bu zabitlər uzun illər zorla pul tələb etmək, dələduzluq, reket, qanunsuz izləmə və həbs kimi ağır cinayətlər törətməkdə ittiham olunurlar.
Onların bu əməllərinin nəticəsində mülki şəxslərə, sahibkarlara və təşkilatlara milyonlarla ziyan dəyib.
MTN işi üzrə 4 general da daxil olmaqla, 20-dən çox yüksək vəzifəli zabit həbs olunub. -02D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz