![Hakimiyyətin zəlzələ zonasında evlərin bərpası planı baş tutmayıb](https://turan.az/resized/media/2012/main/100800013852-750-500-resize.webp)
Hakimiyyətin zəlzələ zonasında evlərin bərpası planı baş tutmayıb
Mayda Zaqatala və Qaxda baş vermiş zəlzələ zonalarında vəziyyət gərgin olaraq qalır. İşlər pis gedir, qarşıdan gələn qış mövsümü fonunda planlaşdırılan işlərin cüzi bir hissəsi yerinə yetirilib.
Dövlət Komissiyası 3482 evə və 32 məktəbə 6 ballıq zəlzələ nəticəsində ziyan dəydiyini bildirib. Zaqatalada 2732 ev dağılıb, 278-i təmir olunmalıdır.
Zəlzələdən beş ay keçdikdən sonra yalnız bir neçə ev tikilib. Dağılmış 21 kənd məktəbindən yalnız ikisi tikilib.
Yerli hakimiyyət şaxtalar düşənə kimi 2 min evin tikiləcəyini vəd edir ki, bu da işlərin sürətini nəzərə alsaq, şübhə doğurur. Evlərin təmirindən söhbət belə getmir.
Zaqatalanın Bazar kəndində sakinlər bildiriblər ki, tikintilərdə işçi çatışmır. Bu, əmək haqqının aşağı olması ilə əlaqədardır.
FHN-in nümayəndələri sakinlərə bildiriblər ki, onlar özləri usta tapsınlar. İşçilərin yeməklə təmin olunması da əhaliyə həvalə edilir. Ev sahibi fəhlələrə yemək verə bilmirsə, iş aparılmır.
FHN evləri əvvəlki sahəsində bərpa etməkdən imtina edir. Məsələn, dağılmış 150 kv. m. evin yerində zərərçəkənə 70 kv. metrlik yeni ev tikmək təklif olunur. Razılıq olmadıqda ev tikilmir.
Bazar kəndinin sakini Firdaş Hacıyevanın evi tikilmir, çünki bu yaşlı qadın fəhlələri yedizdirə bilmir. 87 yaşlı Ramazan Ramazanov müvəqqəti olaraq komada yaşayır və evinin tikilmədiyindən şikayətlənir. Həmid Heydərovun 150 kv. m. sahəsi olan dağılmış evində iki ailə yaşayır, uşaqlardan biri 1 qrup əlilidir. Ona sahəsi 70 kv. metr olan üçotaqlı mənzil təklif olunur. Şərtləri qəbul etmədiyindən ev tikilmir.
Qax rayonunda 472 evə ziyan dəyib, 154-nün əsaslı təmirə ehtiyacı olduğu bildirilib. Cəmi bir ev tikilib. Dağılmış 13 məktəbdən yalnız biri inşa edilib.
Demək olar ki, FHN-in fəlakət zonasında infrastrukturun və yaşayış evlərinin bərpasına dair tədbirlər planı baş tutmayıb.
Qaz rayonunda işləri FHN tərəfindən təyin olunmuş “Memar İnşaat”və “İntiligent MMC”, Zaqatalada “Gilan İnşaat” və “İnşaat 181” aparır.
Evlərin qiyməti hətta Bakı üçün fantastik qiymətədir. Belə ki, 1 kv. m. 500 manat həcmində dəyərləndirilir. İkiotaqlı evin smeta dəyəri 37 min manat təşkil edir, beşotaqlı ev 60 min manata tikilir.
Əvvəlcədən hakimiyyət zərərçəkənlər xüsusi qayğı göstərdiyini nümayiş etdirdi. Zəlzələdən sonra fövqəladə hallar naziri Kəmaləddin Heydərov hadisə yerində olub, sonra prezident İlham Əliyev gəlib. Sentyabrda prezident hətta dağıntı zonasında tikilmiş bir neçə obyektin açılışında iştirak edib. Hökumət mətbuatı zəlzələnin nəticələrinin uğurla aradan qaldırıldığını yazır. Bu, fəlakət zonasında acınacaqlı durumun olması barədə “Kür” qərargahının və müstəqil mətbuatın siqnallarına reaksiya idi.
Fəlakət zonasındakı vəziyyəti aşağıdakı videosüjetdən görmək olar. Süjeti oktyabrın 2-də Turan-n müxbiri Məmmədsadıq Fətəliyev hazırlayıb.
https://www.youtube.com/v/VRxc6GP-ji0?version=3&hl=en_US
-
- Cəmiyyət
- 8 Oktyabr 2012 12:56
-
- İqtisadiyyat
- 8 Oktyabr 2012 13:19
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz