Heydər Əliyev Fondu Roma katakomblarının bərpasını maliyyələşdirir

Azərbaycanın birinci xanımı Mehriban Əliyevanın rəhbərlik etdiyi Heydər Əliyev Fondu  Kazilin küçəsində yerləşən müqəddəs Pyotr və Marsellin katakomblarının bərpası ilə bağlı xərcləri öz üzərinə götürüb.

“Tarixdə ilk dəfə olaraq islam ölkəsi “xristian dininin ən müqəddəs tarixi abidələrindən birinin bərpasına dair xərcləri öz üzərinə götürməyə hazır olduğunu nümayiş etdirib,-  Vatikan Radiosunun Rusiya xidməti Mədəniyyət üzrə Papa Şurasının prezidenti kardinal Canfranko Ravazinin sözlərindən sitat gətirib.   

Qərar iyunun 22-də Vatikanda birgə sənədin imzalanmasından sonra qüvvəyə minib. Saat 17.30-da protokol Mehriban Əliyeva və Müqəddəs Arxeologiya üzrə Papa Akademiyasının prezidenti qismində kardinal Ravazi tərəfindən imzalanıb. “Bu, mədəniyyətlərarası sıx münasibətlərə və dinlərarası dialoqa xidmət edən diqqətin əlamətidir”, - Blaqovest-info bildirir.

Qeyri-kommersiya təşkilatı olan Heydər Əliyev Fonduna vəsaitin haradan daxil olması açıqlanmır.

Xatırladaq ki, bundan əvvəl M.Əliyeva Strasburqda 13-cü əsr məbədində vitrajın, Luvrda xalçaların bərpasını maliyyələşdirib.-02V-