Noyabrın 2-də Şirvan Şəhər Apellyasiya Məhkəməsində "Kür" Vətəndaş Cəmiyyəti Qərargahının fəalı, hüquq müdafiəçisi İlham Əmiraslanovun apellyasiya şikayətinə baxılacaq.
Sentyabrın 13-də Sabirabad Rayon Məhkəməsi onu qanunsuz silah saxlamaqda ittiham edərək (221.1-ci maddə) 2 il müddətinə azadlıqdan məhrum edib. Məhkəmə zamanı müdafiə tərəfin şahidləri dindirilməyib. İ.Əmiraslanovun həbsə alınması şəraiti və bu həbsi əks etdirən videogörüntülər nəzərə alınmayıb.
İ.Əmiraslanov bu il iyunun 8-də saxlanılıb. İ.Əmiraslanov və şahidlər məhkəmədə bildiriblər ki, silahı ictimai fəalın evinə silahı polislər özləri qoyublar. Digər tərəfdən, İ.Əmiraslanov saxlanan zaman DİN Baş Mütəşəkkil Cinayətkarlıqla Mübarizə İdarəsinin əməkdaşları tərəfindən fiziki zorakılıq və işgəncələrə məruz qalıb. Penitensiar Xidmətin Tibb Baş İdarəsinin verdiyi rəydə zorakılıq nəticəsində İ.Əmiraslanovun sol qulaq pərdəsinin cırıldığı göstərilib. -05D-
Cəmiyyət
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
-
İmişlidə 2 uşağın ölümü ilə nəticələnən yol qəzasına səbəb olmaqda təqsirləndirilən 17 yaşlı oğlan həbs edilib.
Rəy yaz