![Hüquqşünası "etibarlı" olmadığına görə vəkilliyə qəbul etməkdən imtina ediblər](https://turan.az/resized/./turan-750-500-resize.webp)
Hüquqşünası "etibarlı" olmadığına görə vəkilliyə qəbul etməkdən imtina ediblər
Bakı/02.05.18/Turan: Hüquqşünas Ramil Süleymanov ölkə vəkilliyinə qəbul prosedurunu tənqid edib, prosedurun siyasiləşdirildiyini bildirib.
Süleymanov öz facebook səhifəsində yazır ki, test imtahanında həddindən artıq çətin suallar var, müsabiqənin ikinci mərhələsi - şifahi imtahan isə qərəzli xarakter daşıyır.
Belə ki, 2000 namizəddən cəmi 607-si 100 baldan minimum 60 balı yığaraq test imtahanından keçib.
Birinci mərhələdən keçən Süleymanov 5 vəkil, 3 hakim və 3 hüquqşünas alimdən ibarət komissiyanın keçirdiyi şifahi imtahana buraxılıb.
Şifahi imtahanda ona başqalarınan iki dəfə uzun müddət sual veriblər.
O qeyd edir ki, 5 sualdan 3-nə yaxşı, bir suala isə kafi cavab verib. 1 suala isə cavab verməyib.
"Mənimlə birlikdə şifahi müsabiqədə olan 12 nəfərdən beşini tanıyırdım. Hamısı dedilər ki, suallar çətin idi və pis cavab veriblər", deyə Süleymanov yazır.
Süleymanovla eyni gündə şifahi müsabiqədə iştirak edən 12 nəfərdən ikisi qəbul edilməyib: Süleymanov özü və məşhur vəkil Əsabəli Mustafayevin oğlu Ruslan Mustafayev.
Süleymanov hesab edir ki, onu ReAl hərəkatından deputatlığa namizədliyi irəli sürüldüyünə görə qəbul etməyiblər.
Süleymanovun sözlərinə görə, hələ ikinci mərhələdən əvvəl Vəkillər Kollegiyasının rəhbərliyindən onu Avropa Şurası ilə əlaqələrinin olmasında və mitinqlərdə iştirak etməkdə ittiham ediblər . -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz