Bakı/02.05.18/Turan: 2018-ci ilin birinci rübündə Azərbaycanda təbii və texnogen mənşəli 1488 hadisə baş verib. Bu, ötən ilin analoji dövrü ilə müqayisədə 781 hadisə və ya 34% azdır. Xəbəri FHN yayıb.
İlin əvvəlindən texnogen və təbii mənşəli hadisələr nəticəsində 46 nəfər həlak olub, 48 nəfər bədən xəsarəti alıb.
FHN xilasediciləri 26 nəfəri xilas edib, 343 nəfər təxliyyə olunub.
Hesabat dövründə 1429 yanğına çağırış olub, bu yanğınlar nəticəsində 43 nəfər həlak olub, 31 nəfər bədən xəsarəti alıb.
Ötən ilin analoji dövrü ilə müqayisədə yanğınlarda 19 nəfər və ya 79% çox insan həlak olub.
Yanğınların söndürülməsi zamanı 25 nəfər xilas edilib, 329 nəfər təxliyyə olunub.
2018-ci ilin birinci rübündə 21 partlayış hadisəsi baş verib. Ötən ilin analoji dövrü ilə müqayisədə bu, 10 hadisə və ya 32% azdır.
Partlayışlar zamanı 3 nəfər həlak olub, 17 nəfər bədən xəsarəti alıb. -06D-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz