Yerevan/02.05.18/Turan: Çərşənbə günü müxalifət tərəfdarları Ermənistandan Gürcüstana və İrana gedən dövlətlərarası yolları bağlayıblar. Xəbəri yerli KİV-lər yayıb.
"Bu gün bütün xalq bir şey tələb edir: baş nazir bizim liderimiz Nikol Paşinyan olmalıdır. Respublika Partiyasının 55 deputatı bunu qəbul etməlidir", deyən mitinq təşkilatçılarından biri Sevan şəhərində Gürcüstana gedən yolun bağlanması təşəbbüsü irəli sürüb.
Ermənistanı İrana bağlayan yolda da eyni vəziyyət var. Vayk şəhərinin ətrafında yerli sakinlər böyük yük maşınlarını və özüboşaldan maşınları çəkiblər, hökumət əleyhinə şüarlar səsləndirirlər.
Polis yolların açılması üçün güc tədbirləri görmür.
Ermənistanda müxalifət tərəfdarlarının kütləvi mitinqləri aprelin 13-dən davam edir. Aksiyalar fonunda baş nazir Serj Sarkisyan istefa verib.
Mayın 1-də parlamentin deputatları müxalifət lideri Nikol Paşinyanın baş nazir vəzifəsinə namizədliyini qəbul etməyiblər. Bundan sonra Paşinyan öz tərəfdarlarını genişmiqyaslı vətəndaş itaətsizliyi aksiyalarına başlamağa çağırıb. -02D-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz