Bakı/13.10.19/Turan: İctimai fəal Fatimə Mövlamlı Yasamal Rayon Polis İdarəsinin 29-cu bölməsində fiziki təzyiqlərə məruz qaldığını bildirib. Bu barədə o, Facebook səhifəsində yazıb.
F.Mövlamlı AXCP üzvü, təkbaşına aksiya keçirdiyinə görə saxlanılan Tofiq Məmmədovun taleyinə aydınlıq gətirilməsi üçün oktyabrın 11-də Yasamal Rayon Polis İdarəsinin 29-cu bölməsinə gedib.
Onun sözlərinə görə, orada təhqir və fiziki təzyiqlərə məruz qalıb.
"Məni boynumdan və saçımdan tutaraq kameranın dəmir barmaqlıqlarına sıxdılar", - F.Mövlamlı qeyd edib.
O deyib ki, əli kameranın dəmir qapısına dəyərək yaralanıb.
Yarım saat sonra onu kameradan çıxarıblar və bölmə rəisinin yanına aparıblar.
F.Mövlamlını kameraya salan polis bildirib ki, guya qız onu "dişləyib".
Bunun cavabında fəal bölmədəki müşahidə kamerasında qeydlərə baxmağı təklif edib.
Lakin bölmə rəisi deyib ki, "kameralar işləmir".
F.Mövlamlı bildirib ki, bazar ertəsi polisin hərəkətindən Yasamal Rayon Prokurorluğuna şikayət edəcək.
Qeyd edək ki, Tofiq Məmmədov oktabrın 11-də təkbaşına etiraz aksiyasında iştirakdan sonra 10 sutka həbs edilib.-06D-
Cəmiyyət
-
Azercell-in dəstəyi ilə şagirdlərimiz İT sahəsində uğurlu nəticələr göstərməyə davam edirlər Cari ilin sentyabr ayında məktəblilərimiz informatika fənni üzrə iki beynəlxalq olimpiadada ölkəmizi uğurla təmsil ediblər. Belə ki, 1-8 sentyabr 2024-cü il tarixlərində Misirin İsgəndəriyyə şəhərində məktəblilərin 36-cı Beynəlxalq İnformatika Olimpiadası (IOI), sentyabr ayının 8-12 aralığında isə Səudiyyə Ərəbistanın Ər-Riyad şəhərində dünyanın Birinci Beynəlxalq Süni İntellekt Olimpiadası (IAIO) baş tutub.
-
Bu gün, sentyabrın 16-da Azərbaycanda yeni tədris ili başlayıb. Məktəbəqədər və Ümumi Təhsil üzrə Dövlət Agentliyinin açıqlamasına görə, 2024-2025-ci tədris ili üzrə I sinfə 132 min 261 uşaq qəbul olunub. Bu, ötən ilin göstəriciləri ilə müqayisədə azdır. Elm və Təhsil Nazirliyinin məlumatına görə, 2023-2024-cü tədris ilində ölkənin ümumtəhsil məktəblərinin I sinfinə 137 min 862 uşaq qəbul olmuşdu.
-
Sentyabrın 17-də Bakıda və Abşeronda havanın buludlu olacağı gözlənilir, gecə və səhər bəzi yerlərdə yağış yağacaq. Bu barədə Milli Hidrometeorologiya Xidmətinin məlumatında deyilir. Şimal-şərq küləyi əsəcək. Havanın temperaturu gecə müsbət 15 + 20, gündüz müsbət 24 + 27 dərəcə olacaq.
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
Rəy yaz