Bakı/31.12.19/Turan: Reallıq.info media saytının baş redaktoru İkram Rəhimov dekabr ayının 28-də haqqlarının bərpasının tələbi ilə başltdığı aclıq aksiyasını davam etdirir.
Bu barədə jurnalistlə 10 saylı cəzaçəkmə müəssisəsində görüşən onun yaxlnları bildirib
Məhkəməyə qədər 6 saylı cəzaçəkmə müəssisəsində saxlanılan İkram Rəhimov Ali məhkəmənin kassasiya şikayətini təmin etməməsindən sonra 10 saylı cəzaçəkmə müəssisəsinə göndərilmişdir.
Bu barədə yaxınlarına bildirən İkram Rəhimov 10 saylı cəzaçəkmə müəssisəsinə gətirildikdən sonra təzyiqlərə məruz qaldığını və haqqlarının pozulduğunu bildirmişdir. “Redaktor onun hansı əsasla 6 saylı cəzaçəkmə müəssisəndən bura köçürülməsini izah olunmasını tələb edir. Bundan əlavə Jurnalist haqqlarının bərpasını və bəraətinin təmin olunmasını istəyir və əgər haqqları qanun çərçivəsində bərpa olunmazsa quru aclıq aksiyasını axıra kimi davam etdirəcəyini bildirmişdir”, - deyə Rəhimovun qohumları bildirmişdilər.
Rəhimov 2018-ci ilin oktyabrında prezidentin sabiq köməkçisi Əli Həsənovu tənqid edən açıq məktubu dərc etdikdən bir neçə saat sonra saxlanılıb. Bakı Ağır Cinayətlər məhkəməsinin qərarı ilə jurnalist 5.5 il müddətinə azadlıqdan məhrum edilmişdir. İkram Rəhimov Məhkəmə qərarından apeliyasiya şikayəti vermis və şahidlərin yenidən dindirilməsini, məhkəmə qərarı üçün dəlil olan, montaj olunmuş audio yazıların ekspertizasını tələb etmişdir. Sentyabrın 18-də Bakı Apellyasiya Məhkəməsi hakim Rizvan Səfərovun sədrliyi ilə keçirilən prosesdə jurnalistin həbs müddətinin 5,5 ildən 3 ilə endirilməsi barədə qərar qəbul edib. Dekabrın 18-də Ali Məhkəmə hakim Hafiz Nəsibovun sədrliyi ilə reallig.info saytının redaktoru İkram Rəhimovun bəraətlə bağlı kassasiya şikayətini təmin etməyib.
Jurnalist həbsini və barəsindəki məhkəmə qərarlarını sifarişli hesab edir. O buna etiraz olaraq həbsxanada dəfələrlə aclıq aksiyası keçirib.
Çoxsaylı beynəlxalq təşkilatlar Azərbaycan hakimiyyətini jurnalistin təqibinə son qoymağa və onu həbsdən dərhal azad etməyə çağırıb.-0-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz