Bakı/31.12.19/Turan: Vahid Azərbaycan Partiyasından deputatlığa namizəd, hüquq müdafiəçisi Elşən Həsənov seçici imzasını toplama kampaniyasına başlamasına maneələrin olduğunu bildirib.
O 27 saylı Sabunçu ikinci seçki dairəsindən deputatlığa namizəddir.
E.Həsənov Turan-a bildirib ki, onun namizədliyi MSK tərəfindən təsdiqlənib. Ancaq namizədliyinin qeydiyyata alınması üçün lazım olan 450 seçici imzasını toplamağa başlamaq üçün bank hesabı aça bilmir.
Dekabrın 30-da Azərbaycan Beynəlxalq Bankı ASC-dən (ABB) ona bildiriblər ki, partiyadan namizəd olduğu üçün bu təşkilatın səlahiyyətli nümayəndəsi də gəlməlidir.
Dekabrın 31-də partiyanın səlahiyyətli nümayəndəsi ilə getdiyində ondan əlavə sənədlər tələb ediblər.
E.Həsənov hesab edir ki, seçicilərin imzalarının toplanması vaxtını məhdudlaşdırmaq və deputatlığa namizədliyinin qeydiyyata alınmasını əngəlləmək üçün ona maneələr yaradılır.
Bundan öncə Müsavat Partiyası da öz namizədlərinin qeydiyyata alınmasına süni maneələrin olduğunu bildirmişdi. -06В-
Siyasət
-
AZAL Rusiyanın bəzi şəhərlərinə uçuşları dayandırır, dekabrın 27-də aviaşirkətin mətbuat xidməti bildirib.
-
Dekabrın 26-da Bakı Ağır Cinayətlər Məhkəməsində iqtisadçı Fazil Qasımovun işi üzrə proses davam edib.
-
Azərbaycan dekabrın 25-də Qroznıya uçan AZAL təyyarəsinin qəzaya uğraması nəticəsində həlak olanların və yaralananların ailələrinə maddi yardım göstərilməsilə bağlı Ramzan Kadırovun bəyanatını rədd edib.
-
"Təyyarə vaxtında uçdu, ancaq saat 10:13-də geri döndü. Bu gün üçün reys ləğv edildi. Səbəbi məlum deyil", - hava limanının nümayəndəsi Turan agentliyinə bildirib. Reysin daha sonra baş tutub-tutmayacağı məlum deyil.
Rəy yaz