İnsanları saxta araqla zəhərləyən kimlərdir?

Bu, spirtli içki içilməsinin xəstəxana çarpayısı ilə başa çatdığının heç də yeganə faktı deyildir. Bu yaxınlarda bakılı Həsən Ağazadə belə hala düşübmüş, yaxşı ki, qonşular onu vaxtında xəstəxanaya aparıblar. Həkimlər kişini xilas edə bildilər.

Amma alkohol zəhərlənməsi qurbanlarının heç də hamısına sağ qalmaq nəsib olmur. Bu ilin yanvar ayında Sumqayıtda Sabir Nağıyev analoji diaqnozla xəstəxanaya yerləşdirilmişdi. Zərərçəkən xəstəxanada dünyasını dəyişdi. Fevral ayında Bakının Hövsan qəsəbəsinin sakini Fəhruz Məhərrəmov öz evində araqdan zəhərlənib. Kişi xəstəxanasına çatdırılib, lakin göstərilən tibbi yardıma baxmayaraq o, vəfat edib. Araq bakılı Zaur İmanov və Vüqar Sultanovun da ölümünə səbəb olub.

DİN-in məlumatına görə, spirtli içki qəbulunun ölümlə nəticələndiyi hallar heç də az deyil.

Azad Istehlakçılar Birliyinin sədri Eyyub Hüseynovun "Turan"a bildirdiyi kimi, ölkənin ərzaq malları bazarı istehlakçılar üçün təhlükəlidir, ona görə ki, burada saxta və standartlara uyğun olmayan qida məhsulları satılır. Araşdırmalar göstərir ki, ticarət şəbəkəsində satılan alkohollu içkilərin təxminən 35-40%-i saxtadır. Bu, Bakı və bölgələrdəki gizli sexlərdə hazırlanan araq, şərab və konyaka aiddir. Bu içkiləri Rusiyanın tanınmış brendlərinə bənzədərək, şüşə üzərinə saxta aksiz markaları yapışdıraraq satırlar. Deməli, fırıldaqçılar bu markaları daha keyfiyyətli poliqrafiya materialından hazırlanmasını təşkil edə biliblər.

Aktual mövzuya dair fikirlərini şərabçılıq sənayesi üzrə ekspert Sabir Vəliyev də bildirib. Onun sözlərinə görə, imkanlı istehlakçılar tanınmış, bahalı markalardan olan araq, həmçinin viski, cin və s. alırlar. Digər qrupdan olan alıcılar ucuz arağa üstünlük verirlər. Bax, elə zaman alkohol zəhərlənməsinə səbəb olan saxta araq rast gəlir. Şərab da az təhlükəli deyil.

Hazırda bizim bazarda satılan çaxırın əksəriyyətinin əsl şərabla heç bir əlaqəsi yoxdur. Bu, aşağıkeyfiyyətli surroqatdır. Profilli müəssisələrdə məhsulun hazırlanma texnologiyasına çox vaxt riayət etmirlər, həm də ki keyfiyyətsiz xammaldan istifadə edirlər.

Yeri gəlmişkən, Dünya Səhiyyə Təşkilatının (DST) məlumatına əsasən, Azərbaycanın alkohol tətbiq edən sakinləri orta zəhərlənmə riskinə - 5-баллı şkala üzrə 3 bal - məruz qalırlar. Cənubi Qafqaz ölkələri arasında Azərbaycanın göstəricisı bu "alkohol reytinqində" ikincidir.

Bu yaxınlarda DİN-in Baş Mütəşəkkil Cinayətkarlıqla Mübarizə İdarəsi Bakıda spirtli içkilərin istehsalı üzrə gizli sex aşkar edib. Sexdə aparılan axtarış zamanı çoxlu sayda "Beluqa", "Stoliçnaya", "Absolyut", "Nemiroff", "Russkiy standart", "Moskovskaya", "Russkiy kalibr", "Kremlin", "Banketnaya", "Zolotoye koltso" markalı saxta araq, "Jack Daniels" və "Chivas regal" viskiləri, spirtli içkilərin saxlanması üçün qeyri-standart çənlər, həmçinin spirtli içkilərin qablaşdırılması üçün etiket, qapaq və digər əşyalar tapılıb. Saxta araq istehsalını təşkil etmiş paytaxt sakinləri Nəsimi Əhmədov və Fazil Hacıbabayev saxlanılıb.

Lakin gizli sexlər təkcə araq və şərab deyil, həm də sərinləşdirici içkilər buraxır. E.Hüseynovun sözlərinə görə, ölkənin mineral sular bazarının təxminən üçdə birini saxta, bənzətmə və kontrafakt sular təşkil edir. Daha çox "Yessentuki", "Slavyanka" markaları kimi suları saxtalaşdırırlar. Bundan başqa, istehsal olunan 20 növ sərinləşdirici içkinin demək olar ki, yarısı insan sağlamlığı üçün təhlükəlidir. Bu içkilərə təbii yox, kimyəvi boyaq maddələri əlavə olunur. Müəyyən edilib ki, limonadlar restoranların nəzdindəki sexlərdə hazırlanır.

Bu faktı 365.az saytına açıqlamasında "İstehlakçıların Maarifləndirilməsi və Hüquqlarının Müdafiəsi" QHT rəhbəri Azər Sərdarov da təsdiqləyib.

"Bütün iri restoranların gizli sexləri vardır. Bu qurumları sex adlandırmaq belə çətindir. Onlarda, bir qayda olaraq, üç və ya dörd nəfər işləyir. Bu sexlərdə şüşələrə adi kran suyu doldurur, sonra krarbon qazı vurulur və şirə konsentratı və ya limonad əlavə edirlər. Bütün işlər əllə aparır. Bəzi restoranlar belə şəraitdə hətta araq istehsalı ilə məşğul olmağı bacarırlar", - deyə ekspert bildirib.

Qeyd edək ki, paytaxtda məşhur və dəbdəbəli restoranlar yüksək vəzifəli məmurların himayəsi altında olduğundan, onlar üçün dövlət qurumlarından müvafiq icazə almaq heç də çətin deyil.