JFJ postsovet hökumətlərini jurnalistləri azad etməyə çağırır

Bakı/08.06.21/Turan: "Jurnalistlər üçün ədalət" Fondu (JFJ) və onun postsovet məkanında media işçilərinə hücumların monitorinqi üzrə tərəfdaşları beynəlxalq təşkilatları və bütün ölkələrin hökumətlərini həbs edilmiş bütün jurnalistlərin tezliklə azad olunması üçün maksimum səy göstərməyə, onların həbsdə hüquqlarının amansızcasına pozulmasına aon qoyulmasına  nail olmağa çağırırlar.

Fondun ekspertlərinin məlumatına görə, hazırda Azərbaycan, Belarus, Krım, Rusiya, Türkmənistan və Özbəkistandan ən azı 84 media işçisi azadlıqdan məhrumetmə yerlərində və ya ev dustaqlığında məhkəməni gözləyir, yaxud artıq uzun müddətə azadlıqdan məhrumetmə cəzasına məhkum olunub, düşərgələrdə və həbsxanalarda saxlanılır.

Dövlətlərin bu cür hərəkətləri qeyri-demokratikdir və eyni zamanda iki fundamental insan azadlığını – azadlıq hüququnu (İnsan hüquqları haqqında Ümumi Bəyannamənin 3-cü maddəsi) və ədalətli və əlverişli əmək şəraiti hüququnu pozur (İnsan hüquqları haqqında Ümumi Bəyannamənin 23-cü maddəsi) pozur.

Belarus Jurnalistlər Assosiasiyasının məlumatına görə, hazırda ölkədə 33 media işçisi həbsdədir. Rusiya və Krım ərazisində ən azı 42 nəfər rusiyalı və krımlı jurnalist azadlıqdan məhrum edilib. Azərbaycan, Türkmənistan və Özbəkistanda həbs edilmiş doqquz media işçisi kimi, bu jurnalistlər də öz peşə vəzifələrini yerinə yetirdiklərinə - baş verənlər haqda ictimaiyyəti obyektiv və müstəqil şəkildə məlumatlandırdıqlarına görə azadlıqdan məhrum ediliblər.

Jurnalistlərə, blogerlərə və kütləvi informasiya işçilərinə hücumlar barədə tam məlumat ilə "Jurnalistlər üçün ədalət" Fondunun media risklər xəritəsi və insidentlər bazasında tanış olmaq olar.

Aşağıda 8 iyun 2021-ci il tarixinə olan vəziyyətə görə, həbsdə olan media işçilərinin siyahısı verilib.—0—