![Mayın 10-da şəhərin mərkəzində yollar bağlanacaq](https://turan.az/resized/media/2014/main/050700077956-750-500-resize.webp)
Mayın 10-da şəhərin mərkəzində yollar bağlanacaq
Mayın 10-da qeyd edilən Gül Bayramı ilə əlaqədar paytaxtın mərkəzində yollar bağlanacaq. Paytaxt Yol Polis İdarəsinin məlumatına görə, səhər saat 8-dən axşama qədər Parlament prospekti nəqliyyatın hərəkəti üçün bağlı olacaq. Bu, Heydər Əliyevin qəbrini ziyarət edənlərin rahatlığı üçün edilir.
Həmçinin əsas bayram tədbirlərinin keçirildiyi Heydər Əliyev sarayının qarşısında Bülbül küçəsində hərəkət dayandırılacaq. Şəmsil Bədəlməyli küçəsi də Rəşid Behbudov küçəsi ilə kəsişməyə qədər bağlanacaq.
Polis vətəndaşları bu yerlərdə şəxsi nəqliyyat vasitələrindən istifadə etməməyə çağırır.
Qeyd edək ki, bir neçə gündür H.Əliyev sarayı qarşısında çox sayda idxal gül gətirən treylerlərin dayanması ilə əlaqədar Bülbül küçəsində nəqliyyatın hərəkəti dayandırılıb. Xarici tədarükçülər və dizayn şirkətlərinin işçiləri bir neçə gündür hər cür güllərin sərgiləndiyi stendlərin tərtibatı ilə məşğuldur.
Bu il bayramın miqyası H.Əliyev sarayının arxasındakı Qış Bulvarını da əhatə edir.
Güllərdən Əliyevin portretinin yaradıldığı böyük stend hakimiyyətin xüsusi qürur qaynağıdır.
Bayram keçirilməsi üçün xərclərin dəqiq məbləği heç vaxt açıqlanmır. Lakin sirr deyil ki, söhbət milyonlarla manatdan gedir. Hakimiyyət bu vəsaitin hansı mənbələrdən götürüldüyü və bu xərclərin nə dərəcədə özünü doğrultduğu haqqında danışmamağı üstün tutur.
Bu bayram bir neçə il əvvəl düşünülüb və H.Əliyevin qızıl gülləri sevməsi bəhanəsi ilə onun ad gününə həsr edilib. -02/16В
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz