Media-icmal 01.09.20

Azərbaycanda icra hakimiyyətlərinin pespektivinə baxış, əcnəbilərin Azərbaycan banklarından vəsaitlərini geri çəkməsi, taksi xidmətinin vahid tarif qayğıları, virusa yoluxma nın arta bilməsi ehtimalı və s. məsələlər medianın aparıcı mövzuları sırasındadır.

Əgər bələdiyyələr varsa...

“Redaktor.az” “İcra hakimiyyətlərinin ləğvi: Rayonlar necə idarə ediləcək?” sərlövhəli məqalədə icra hakimiyyətlərinin perpektivini müzakirə edir.

Müəllifin deməsinə görə, beynəlxalq standartlaşdırma üzrə mütəxəssis, "Bureau De Qualite" şirkətinin rəhbəri Asif İbrahimov Azərbaycanda idarəetmə sahəsində ciddi islahatlar aparmağı zəruri sayır.

“Azərbaycanda dövlət idarəetməsində ciddi islahatlar aparılmalı, bir-birini təkrarlayan qurumlar, o cümlədən rayon icra hakimiyyətləri ləğv edilməlidır.

Ən əsası dövlət qurumlarının işi yenidən qurulmalı, səmərəliliyin ölçülməsi standartları tətbiq edilməlidir”, deyə mütəxəssis vrğulayıb.

A.İbrahimova görə,  Türkiyə İdarəetmə sistemi modeli Azərbaycana tətbiq olunmalıdır: “Əgər bələdiyyələr varsa icfa hakimiyyətləri ləğv olunmalıdır. Birmənalı olaraq icra hakimiyyətləri ləğv edilməli, bələdiyyələrin səlahiyyəti artırılmalıdır. Bu istiqamətdə Türkiyə modelini daha uğurlu hesab edirəm”.

A.İbrahimov hesab edir ki, icra orqanlarının dövlət büdcəsindən vəsait alması dayandırılmalı, ilk növbədə bələdiyyələrin statusları artırılmalı, ləğv edilmiş İcra hakimiyyətlərinin səlahiyyətləri bələdiyyələrə verilməldir. “Bis sözlə qardaş Türkiyədə mövcud olan Bələdiyyə sisteminə uyğun olaraq bələdiyyə sistemimizi qura bilərik”

Əcnəbilər pullarını Azərbaycandan çəkirlər

“Banker.az” saytı isə “Əcnəbilərin banklarımızdakı əmanətləri geri çəkilir: II devalvasiyadan bu tərəfə 6 qat azalıb” sərlövhəli məqalədə xaricilərin Azərbaycan banklarında saxladıqları pulların azalması səbəbləri araşıdırılır.

Azərbaycanda əcnəbi vətəndaşlarının (qeyri-rezident) banklardakı depozitləri azalıb, bu azalmaya səbəb isə xarici valyutadakı əmanətlərdə böyük enişidir.

Avqust ayının əvvəli qeyri-rezidentlərin Azərbaycan banklarındakı depozitlərinin həcmi 314.5 milyon manat ekvivalentində olub. Bunun, 104.4 mln. manatı milli valyutada 210.1 mln. manat ekvivalentində isə isə xarici valyutada yerləşdirilmiş depzoitlər olmuşdur.

Müəllif əlavə edir ki, xarici valyutalar üzrə qeyri-rezidentlərin depozitlərinin azalması 2015-ci ilin dekabrından davam edir: “Bildiyimiz kimi həmin tarixdə ölkədə ikinci devalvasiyadan baş verib. Həmin tarixə qədər (2015-ci ilin dekabrı) ölkədə əcnəbilərin banklara etibar edib yatırdıqları depozitlərin həcmi 1 milyard 233.1 milyon manat ekvivalentində olub ki, bunun da yalnız 33.9 mln. manatı milli valyutada idi. Yəni, xarici valyutada qeyri-rezidentlərin depozit məqsədli yatırımlarının həcmi 1 milyard 199.1 milyon manat idi.

Bu isə ikinci devalvasiyadan bu tərəfə qeyri-rezidentlərin xarici valyutada əmanətlərinin 5.7 dəfə azalması anlamına gəlir. Təkcə ilin əvvəli ilə müqayisədə 102.02 mln. manat (23% azalma) ekvivalentində xarici valyutada olan  əmanətlər geri çəkilib.

Hələ ki, baş tutmayan vahid tarif qiyməti...

“Moderator.az” isə “Taksi xidmətində vahid qiymətlərin tətbiqi arzuediləndir” sərlövhəli məqalədə müəllif vahid taksi qiymətlərinin mümkünlüyünü yol-nəqliyyat məsələləri üzrə ekspert Azər Allahverənovla  araşdırılır.

Azər Allahverənov hesab edir ki, vahid tarif qiyməti taksi şirkətlərinin rəqabəti üzərində yox, xidmətin keyfiyyəti üzərində  qurulacaq: “Bu, taksi şirkətlərini rəqabəti qiymət üzərində deyil, xidmətin keyfiyyəti üzərində qurmağa sövq edəcək”.

Ekspertin deməsinə görə, Bakı Nəqliyyat Agentliyinin (BNA) təşəbbüsü ilə taksi fəaliyyətinin tənzimlənməsi istiqamətində konsepsiya hazırlanmaqdadır.

Konsepsiyada taksi xidmətində vahid qiymələrin tətbiqi məsələsi də nəzərdə tutulub. A.Allahverənov hesab edir ki, bu yeniliyin tətbiqi arzuediləndir.

  Ekspert deyir ki, bu məsələ neçə ildir ki, gündəmdədir: “Burada məqsəd taksi xidmətinin keyfiyyətinin artırılması istəyi ilə bağlıdır. Bu gün 60-70 ədəd dispetçer qurumu fəaliyyət göstərir. Bir tək Bakı şəhərində taksi xidməti ilə məşğul olan 20 mindən çox taksi mövcuddur”.Ucuz qiymətə xidmət göstərən bu taksilərin istismara yararlılıq səviyyəsi belə bəzən sual altında olur. Əgər bu sahədə vahid qiymət tətbiq edilsə, o zaman şirkətlər diqqəti daha çox xidmətin keyfiyyətinə yönəldəcəklər. Bu baxımdan şəxsən mən vahid tarifin tətbiqinin tərəfdarıyam. Çox istərdim ki, taksi şirkətləri rəqabəti qiymət üzərində deyil, göstərdikləri xidmətin keyfiyyəti üzərində qursunlar”, deyə A.Allahverənov bildirib.

Yüksələ biləcək yoluxma riski

“Yeniavaz.com” Cəlal İsayev: “Məktəblərdə yoluxma riski qat-qat çox ola bilər” sərlövhəli məqalədə şagirdlərin dərsə getmələri və bir yerə toplanmaları ilə koronavirusun yayılma sürətinin arta bilməsi incələnir.

Ölkənin baş infeksionisti məktəblərdə də uşaqların maskadan istifadəsinə nəzarət etməyi vacib sayır. Onun deməsinə görə, yaşından asılı olmayaraq hər bir məktəblinin maska taxması zəruridir.

“Bilirsiniz ki, məktəblər də qapalı məkandır və belə yerlərdə xəstəliyin yayılma riski qat-qat çoxdur. O, ÜST-ün  maska taxmaq tövsiyyəsini təxirəsalınmaz sayır. Həm də vurğulayır ki, uşaqların bu vərdişlərə yiyələnməsi üçün lazımi tədbirlər də görülməlidir. Valideynlər, müəllimlər bu sahədə işləməlidir.

C.İsayev məktəblərdə kütləvi yoluxma hallarının baş verə biləcəyi ilə bağlı məqama da aydınlıq gətirib: “Bunu proqnozlaşdırmaq çətindir. Düzdür, qapalı məkanlar olduğu üçün risk var, amma çox şey bu, insanların qaydalara, tövsiyələrə əməl etməsindən asılıdır. Doğrudur, məktəbdə dərs saatlarında maskada oturmaq çətindir, amma bütün hallarda qaydalara əməl edilməlidir”.

Xatırladaq ki, Azərbaycanda sentyabrın 15-dən təhsil və təlim prosesi bərpa olunacaq. Bu müəyyən şərtlər daxilində və ölkədəki epidemioloji vəziyyət nəzərə alınmaqla təşkil ediləcək.