Media-icmal 04.07.20

Koronavirus pandemiyasına qarşı mübarizə ölkə internet resurslarının əsas mövzusu olmaqda davam edir. Bununla yanaşı, saytlar Dövlət Təhlükəsizliyi Xidmətinin (DTX) iyulun 3-də Azərbaycan Xarici İşlər Nazirliyində keçirdiyi əməliyyat barədə də yazırlar. Hətta adlar çəkərək nazirliyin bəzi əməkdaşlarının işdən azad olunduqlarını, istinqtaqa cəlb ediləcəklərini bildirirlər. DTX isə rəsmi olaraq yaydığı məlumatda əməliyyat haqda ictimaiyyətə məlumat veriləcəyini vurğulayır. Bununla yanaşı, saytlar ölkənin iqtisadi həyatına dair mövzulara da yer veriblər.

Hər kəsin məsuliyyəti

“Azərbaycan” qəzeti “Məsuliyyətsizlik ölkəmizdə epidemioloji coğrafiyanı genişləndirir” sərlövhəli məqalədə ölkədə koronavirus pandemiyası ilə bağlı vəziyyəti dəyərləndirir.

Onun sözlərinə görə, virusun yoluxma sürəti artır, ölüm halları çoxalır və buna səbəb kimi karantin tədbirlərindəki yumşalmaları (bu ilin mayında karantin tədbirlərindəki yumşalmalar nəzərdə tutulur - red.) göstərir.

Həm də müəllif əlavə edir ki, ümid bu virusa qarşı peyvəndin tez bir zamanda tapılmasına qalıb.

Müəllif Dünya Səhiyyə Təşkilatına istinadən bildirir ki, hazırda dünyada klinik sınaqlarda olan 17 növ vaksinin nəticələri gözlənilir, amma nə zaman hazır ola biləcəti hələ bəlli deyil.

Müəllifə görə, yeni növ koronavirusdan qorunmaq üçün yeganə yol, hələ ki, sosial izolyasiya, maska taxmaq və gigiyenik qaydalara riayət etməkdir.

Bu sahədə Azərbaycanda tətbiq edilmiş karantin rejinmindən onun virusa qarşı nübarizədə müsbət təsirindən danışılır.

Müəllifə görə, amma karantinlə bağlı yumşaldılmalar yoluxma, ölüm saylarını artırdı, virusun yayılma sahəsi genişləndi. 

Bundan irəli gələrək də müəllif iyun ayından karantin rejiminin yenidən sərtləşdirildiyini, hazırda davam etdiyini, sərt karantin rejiminin iyulun 20-sinə kimi davam edəcəyini bidirir.

Müəllifə görə, indiki halda hər bir şəxs, vətəndaş qoyulan tələblərə maksimum əməl etməli, bu təhlükədən qurtulmaq üçün mütləq ictimai qınaq faktorundan istifadə olunmalıdır.

Daşınmaz əmlak bazarının “çöküşü” 

“FED.az” saytında yer alan “Pandemiya daşınmaz əmlak bazarını iflic edib” sərlövhəli məqalədə bu bazarın indiki vəziyyəti barədə ekspert

Ramil Osmanlı ilə söhbətləşir.

R.Osmanlı hesab edir ki, daşınmaz əmlak bazarnda bu sahədə çöküş baş verməsinin səbəbi koronavirus pandemiyası olub, nəticədə aktivlik minimuma enib və bu sahədə xarici iştirakçıların aktivliyi kəskin azalıb.

Ekspertə görə, bazarda ucuzlaşma meylləri müşahidə edildi, amma kəskin ucuzlaşmanın qarşısı inzibati şəkildə alqı-satqı əməliyyatlarının məhdudlaşdırılması ilə alındı.

Onun sözlərinə görə, daşınmaz əmlak bazarında ucuzlaşma təqribən 2-5% civarındadır, torpaq bazarında 5%-ə qədər ucuzlaşma var, ilkin mənzil bazarında da ucuzlaşma müşahidə edilir.

R.Osmanov hesab edir ki, bazarda aktivlik də azalıb, bu pandemiya ilə bağlı gəlirlərin azalması və əldə olan vəsaitlərin qorunması ilə bağlıdır.

Ekspertə görə, daşınmaz əmlak bazarının illik dövriyyəsi təqribən 1,2,-1,3 mlrd. manatdır: “Amma bu ilki dövriyyə qeyd edilən rəqəmə adekvat olmayacaq.

Daşınmaz əmlak bazarında ilin sonuna qədər 2-3 dəfəyə qədər azalma gözlənilir”.

Bazarın nə zaman özünü bərpa edə biləcəyinə gəlincə, ekspert bu barədə danışmağın tez olduğunu bildirir.