Media-icmal 05.06.18

Ölkənin siyasi və iqtisadi azadlıqlarının təminatçısı, dərman mafiyasının yaratdığı dərman bahalığı, ölkə təhsilini gözləyən mümkün üç dəyişiklik və s. bugünki (05 iyun, 2018-xi il) medianın aparıcı mövzularındandır...

Siyasi və iqtisadi müstəqillik təminatçıları

"Azərbaycan" qəzeti "İqtisadi və siyasi müstəqillik güclü Azərbaycanın zəminidir" sərlövhəli məqalədə ölkənin iqtisadi və siyasi mütəqilliyinin təmin olunmasını dəyərləndirir.

"Son 15 il ərzində iqtisadi inkişaf baxımından Azərbaycan qədər sürətlə inkişaf edən ikinci ölkə olmayıb. İqtisadiyyatımız üç dəfədən çox artıb. Aparıcı beynəlxalq təşkilatlar, Davos İqtisadi Forumu Azərbaycanı rəqabət qabiliyyətliliyinə görə dünyada 35-ci yerə layiq görüb, inkişaf edən ölkələr arasında isə biz 3-cü yerdəyik". Müəllif deyir ki, Prezident İlham Əliyev bunu keçmiş prezident Heydər Əliyevin 95 illik yubileyində bildirib.

Yazı müəllifi xatırladır ki, 2003-cü ildə ilk dəfə prezident seçilən İlham Əliyev xalqa verdiyi bütün vədləri yerinə yetirib: "Söz vermişdim ki, əgər xalq etimad göstərərsə, Heydər Əliyev siyasəti Azərbaycanda davam etdiriləcək. Fəxr edirəm ki, sözümə əməl etdim və son 15 il ərzində Azərbaycan Heydər Əliyevin qoyduğu yolla uğurla, inamla gedir. Azərbaycanda sabitlik tam təmin olunur, sabitliyin təminatçısı Azərbaycan xalqıdır".

Müəllif deyir ki, prezident münaqişələrin, vətəndaş müharibələrinin baş verməsinə səbəb kimi hakimiyyətlərin düzgün siyasət aparmamasını və insanları narahat edən problemlərin həll olunmamasını göstərib: "Bu mənada Azərbaycanda isə sabitliyin təminatçısı, onun qarantı Azərbaycan xalqıdır və xalq-iqtidar birliyidir. Bu gün Azərbaycan dünya miqyasında ən sabit, uğurla inkişaf edən ölkələrdən biridir".

Müəllif deyir ki, Azərbaycan tam müstəqil siyasət yürüdən ölkə kimi inkişaf edir, son 15 il ərzində iqtisadiyyata 231 milyard dollar investisiya yatırılıb, 642 tibb müəssisəsi, 43 olimpiya idman kompleksi, 443 körpü-tunel, 3100-dən çox məktəb inşa edilib.

Müəllif vurğulayır ki, dövlət başçısı ölkənin valyuta ehtiyatlarının xarici borcdan 5 dəfə böyük olduğunu, bu böyük sosial problemlərin həlli işində böyük uğurlar əldə olunduğunu bildirir.

Müəllif xatırladır ki, son 3 ayda iqtisadiyyata 3,5 milyard dollar sərmayə qoyulub, qeyri-neft sənayesi 10%, kənd təsərrüfatı 4,2% artıb, valyuta ehtiyatı 2,2 milyard dollar artaraq 44,2 milyard dollara yüksəlib, son 3 ayda 34 min yeni iş yeri açılıb ki, bunun da 31 mini daimi iş yeridir.

Yazı müəllifi xatırladır ki, bu müddətdə Mingəçevir Sənaye Parkında 2 böyük iplik fabriki, Neftçala Sənaye Məhəlləsində avtomobil zavodu fəaliyyətə başlayıb.

Mingəçevir şəhərində "ASAN Həyat" kompleksi istifadəyə verilib və Qəbələ şəhərinə dəmir yolunun çəkilişlərinə başlanılıb.

Müəllif qeyd edir ki, son 15 ildə Prezident İlham Əliyevin yürütdüyü tam müstəqil siyasət həm də Azərbaycanı dünya birliyində etibarlı tərəfdaşa, böyük nüfuza malik olan ölkəyə çevirib.

Azərbaycan təhsilini gözləyən üç dəyişiklik

"Exo" qəzetində isə "Azərbaycan təhsil sistemini qarşıda dəyişikliklər gözləyirmi?" sərlövhəli məqalə oxumaq olar.

Müəllif təhsil sahəsindəki mümkün dəyişikliklər gözləntilərini Azərbaycan Diplomatiya Akademiyasının prorektoru Fariz İsmayılzadə ilə dəyərləndirir.

"Azərbaycanda ümumtəhsil sisteminə bəzi dəyişikliklərin edilməsi artıq zərurətdir", bunu Bakıda GlobalŞharez cəmiyyəti iştirakçılarının start götürən 6-cı görüşündə F.İsmayılzadə bildirib.

Müəllif deyir ki, görüş çərçivəsində ilk panel sessiya Azərbaycanın və regionun digər ölkələrində təhsil sisteminin trnasformasiyası məsələsinə həsr edilib.

F.İsmayılzadəyə görə, Azərbaycan və regionda tətbiq etmək istədikləri üç başlıca dəyişiklik var: "Bunardan birincisi informasiya və faktların yadda saxlanması faktından onun analitik düşüncəyə çevrilməsinə keçilməsidir".

F.İsmayılzadə deyir ki, internetdə böyük həcmdə informasiya var ki, saniyələr içində oraya giriş mümkündür, amma indi əsas məsələ bu və ya digər problemi həll etmək üçün bu faktlardan necə istifadə etmək məsələsidir.

F.İsmayılzadə bildirir ki, ikinci dəyişiklik istiqaməti təhsil sisteminin daha çevik qurulmasıdır ki, sürətlə dəyişən dünya təhsili ilə ayaqlaşa bilsin.

F.İsmayılzadəyə görə, üçüncü dəyişiklik gözlənilən istiqamət isə təhsilin ənənəvi metod təzyiqlərindən kənara çəkilərək onlayn kurslar kimi sistemi ümumtəhsil sisteminə tətbiq etməkdir.

Sessiyanın məruzəçilərindən biri olan F.İsmayılzadənin düşüncəsinə görə, belə addımlar təhsili daha əlçatan edə bilər.

Müəllif deyir ki, Global Shapres cəmiyyəti iştirakçılarının VI Bakı görüşündə təhsil islahatları, sahibkarlıq və texnologiyaların inkişafı, dəyişikliklər dövrndə insan kapitalının inkişafı və s. məsələlər müzakirə edilir.

Müəllif deyir ki, bu cəmiyyət müxtəlif fəaliyyət sahələrində uğurlar əldə edən və cəmiyyətin inkişafına öz töhfəsini vermək istəyən 30 yaşına qədər şəxsləri birləşdirir.

Yazı müəllifinə görə, bu il görüş üçün vasitə olaraq regional transformasiya mövzusu seçilib və diskussiyaların əsas məqsədi iştirakçılara təcrübə və ideyaları ilə bölüşmək, əlaqələri daha da gücləndirmək, perspektivdə regionun inkişafına fayda verəcək əməkdaşlığı gücləndirə bilməkdir.

Müəllif deyir ki, Global Shapers Cəmiyyəti Davos Forumunu təsis edən professor Klaus Şvab tərəfindən 2011-ci ildə təsis olunub, cəmiyyət naminə öz bacarıqlarını inkişaf etdirən hər bir şəxsi təsis burada iştirakçı ola bilər. Diskussiya dünya ÜDM-nin 30%-ini istehsal edən 24 ölkənin təmsilçilərini birləşdirir.

Vətəndaş dərman mafiyasının ovucunda

"Novoye Vremya" qəzetində isə "Azərbaycanlılar dərman mafiyasının ovucunda" sərlövhəli məqalə oxumaq olar.

Müəllif Aərbaycanın və ölkə vətəndaşlarının dərmanla təminatı səviyyəsini müzakirə edir.

Müəllif keyfiyyətsiz dərman probleminin özünü çoxdan göstərdiyini deyir, apteklərdə ancaq keyfiyyətli dərman satılması tələbi olsa da, buna əməl edilmədiyini, dərmanların istifadə müddətinin bitməsi barədə qeydlər olmadığını bildirir: "İstehsal texnologiyasında, qablaşdırma prosesində, saxlanmasında pozuntular aşkara çıxarılan dərmanlar keyfiyyətsiz dərmanlar sayılır. Habelə istifadə müddəti başa çatmış dərmanı qətiyyən satmaq olmaz".

Amma müəllif deyir ki, Azərbaycanda keyfiyyətsiz dərman satışı təzə məsələ deyil və aprelin sonlarında qanunsuz dərman satışına görə, 5 nəfərin həbs olunması təsadüf sayıla bilməz.

Müəllif vurğulayır ki, əməliyyatlar qanunsuz dərman satışı həyata keçirən 11 ünvanı əhatə edib, müxtəlif firmaların anbarları, aptek dükanları, olara aid mənzillər müşahidə edilib və toplanmış materiallar əsasında cinayət işi qaldırılıb, bu məsələ ilə əlaqədar gömrük komitəsindən bəzi şəxslər işdən azad olunublar.

Yazı müəllifi deyir ki, dərmanların qiymətləri bir neçə dəfə qalxıb, amma onların keyfiyyətinin yaxşılaşması hələ də arzu olaraq qalmaqdadır: "Aydındır ki, inflyasiya bütün sahələrə təsir göstərir, nəticədə ərzaq mallarının da, geyimin də və dərmanların da qiymətləri bahalaşır.

Müəllif deyir ki, adətən qiymət tədricən artır, burada isə dərmanların qiymətləri razılaşdırılmış kimi sürətlə artır və daha çox ölkəyə dərman idxal edən əczaçılıq bazarında baş verənlərdən irəli gəlir: "Təəccüblü deyil ki, qonşu Türkiyənin apteklərində dərman Azərbaycanla müqayisədə 3 dəfə ucuzdur. Bu, həm də onu göstərir ki, "dərman mafiyası" azərbaycanlıların hesabına qazanır, bizim adamları təkcə aldatmırlar, həm də onlara keyfiyyətsiz dərman satırlar. Bir çox ekspertlər əmindirlər ki, bir çox aptek və topdansatış firmaları keyfiyyətsiz dərman aldıqlarının fərqindədir".

Yazı müəllifi vurğulayır ki, problem ondadır ki, bu halda, yəni, keyfiyyətsiz və saxta dərman gətirən özəl şirkətlər cərimə ilə yaxalarını qurtara bilirlər, amma indi qanunvericiliyə yenidən baxılır və bu hal üçün cinayət məsuliyyəti nəzərdə tutulur.

Müəllif deyir ki, dərmanların alınması və yayılmasında problem həm də ondadır ki, 100-lərlə vasitəçi firmalar var və onların fəaliyyətinə nəzarət etmək çox çətindir.

Müəllifin sözlərinə görə, ən ağrılısı isə budur ki, saxtalaşdırılmış dərman sayı arta bilər.

#s3gt_translate_tooltip_mini { display: none !important; }