Media icmal 12.01.21

İşğaldan azad edilmiş ərazilərdə quruculur işlərinə başlanılması, yanvarın 18-dən sonra pandemiya ilə bağlı sərt karantin rejiminin ləğvi mümkünlüyü,

11 yanvar 2021-ci il Moskva görüşünün təfərrüatlarına baxış, psixoloji yardımın təşkili və s. məsələlər bu günkü medianın mövzuları  sırasındadır... 

“Azərbaycan” qəzeti “Qarabağ inkişaf və quruculuq mərkəzinə çevriləcək” sərlövhəli məqalədə erməni işğalından azad edilmiş Qarabağ bölgəsinin inkişaf  perspektivindən danışılır. 

Müəllif deyir ki, 30 illik işğala son qoyulmsı və torpaqların azad olunması 2020-ci ilin ən böyük hadisəsidir.

Müəllif vurğulayır ki, son vaxtlar Ermənistan 2020-ci 10 noyabr üçtərəfli razılşamasının müddəalarını pozur, bu isə hərbi gərginliyə səbəb olur.  

Məqalədə vurğulanır ki, artıq işğaldan azad edilən torpaqlarda  infrastrukturun yenidən qurulmasına, yollar çəkilməsinə başlanılıb.

Füzuli rayonunda yeni aeroport tikintisinə başlanılır. 

“İşğaldan azad olunmuş rayonlarımızın hamısı yenidən qurulacaq.

Vəhşilərin, barbarların dağıtdığı bütün şəhər və kəndlərimiz sürətlə bərpa ediləcək.

Onların hər biri əvvəlki şöhrətini geri qaytaracaq. Qarabağ bölgəsində inkişafın Azərbaycan nümunəsi daha möhtəşəm olacaq”, deyə müəllif bildirir.

“Redaktor.az” saytı isə “Yanvarın 18-də sərt karantin ləğv edilə bilər - "hər şey yaxşıdır və ...” sərlövhəli məqalədə ölkədə COVİD-19 pandemiyası ilə bağlı vəziyyəti dəyərləndirir.

Müəllifin deməsinə görə, mütəxəssislər dekabrın əvvəli ilə müqayisədə hazırda epidomoloji vəziyyət xeyli yaxşıdır, bu isə səhiyyə sistemində mövcud olan yüklənmə azalıb.

Sahə eskpertləri sərt karantin rejiminin yanvarın18-də yekunlaşacağını deyilər, amma bu yumuşaldılmalara birbaşa keçid demək deyil: “Çünki vaksinasiya aparılana qədər sürətli yumuşaldılma tədbirləri yoluxma statistikasını artıra bilər. Bu səbəbdən yumuşaldılma tədbirləri mərhələli şəkildə həyata keçiriləcək”.

Mütəxəssislərin deməsinə görə, eyni zamanda vaksinasiya prosesinə hazırlıqlar davam etdirilir, amma vaksinasiyanın həyata keçirilməsi pandemiyanın bitməsi anlamına gəlməz: “Ekspertlərə görə, bu proses bir gündə aparılmayacaq, İlk olaraq əhalinin 20-30%-inə tətbiq ediləcək. Daha sonra isə mərhələli şəkildə vaksinasiya tədbirləri həyata keçiriləcək", deyə prosesə izah veriblər.

“Mətbuat.az” saytı isə “Kremlin Azərbaycandan əsas istəyi nədir? – açıqlama” sərlövhəli məqalədə politoloqlar Rusiyanın Qarabağda Azərbaycandan əsas istəyinin nə olmasına dair düşüncələrinə yer verirlər. 

Politoloqalara görə, rəsmi Bakının Qarabağda sülhməramlıların statusunu hüquqi cəhətdən möhkəmləndirməməsi Moskvanı narahat edir.

Politoloqların fikrincə, Rusiyanın əsas istəyi sülhməramlıların statusu ilə bağlı Azərbaycan tərəfi ilə hüquqi sənədin imzalanmasıdır.

Siyasi şərhçilər isə deyirlər ki, rəsmi Bakı rus sülhməramlılarının Azərbaycan torpaqlarındakı missiyası ilə bağlı hüquqi sənədlərdən kənar dayanaraq, şərtlərə  əməl olunmasını gözləyir.

Politoloqlar vurğulayırlar ki, sülhməramlılar Azərbaycan ərazisində olduğu üçün hüquqi sənəd imzalanmasının Ermənistana aidiyyatı yoxdur'.

Politoloqlar bu məsələni xüsusi vurğulayıblar ki, Moskvadakı görüşün məqsədi kommunikasiya xətləri, sərhədlər açılması və iqtisadi əlaqələr bərpa olunması ilə bağlıdır.

Onlar qeyd edirlər ki,Rusiya hökumətlərarası üçtərəfli komissiyanın yaradılmasını məqsədəuyğun sayıb: “Ancaq Ermənistan Azərbaycana ərazi iddiasından vaz keçmədən iki ölkə arasında iqtisadi əlaqələrin bərpası necə mümkündür? Gərək qonşun sənin ərazi bütövlüyünü tanıya ki, onunla əlaqələri bərpa edəsən”'.

“Azpolitika.info” saytı isə diqqəti Putinin “qonaqpərvərliyi” ... - və ya üçtərəfli görüşün təşkilində sual doğuran məqamlar” sərlövəhli məqalədə diqqəti yanvarın 11-də Moskvada keçirilmiş Azərbaycan, Ermənistan və Rusiya üçtərəfli görüşündəki təfərrüatlara çəkir.

Müəllif hesab edir ki, bu görüşdə RF prezidenti V.Putinin nitqindən danışıqlar masasına, həmin məkanın tərtibatına qədər bir çox sual doğuran məqamlar vardır.

Müəllifin fikrincə, danışıqların keçirildiyi zalda, masanın üzərində Azərbaycan və Ermənistan bayraqlarının olmaması diqqət cəlb etdi. Görüş üç ölkə arasında getsə də zalda yalnız Rusiyanın bayrağının olması digələrinə hörmətsizlikdir.

“Ancaq görünür, görüşün təşkilatçıları adi protokol qaydalarına riayət etməyi “unudublar””, deyə müəllif fakta ironik münasibət ifadə edir.

Müəllifə görə, Ermənistan üçün belə hallar adidir, amma Azərbaycan bu münasibətə layiq deyil.

Müəllif ölkə rəhbərlərinin masa arxasındakı düzülüşünü də doğru saymır, əlavə edir ki, bu düzülüş Rusiyanın üstün mövqeydə olmasını nümayiş etdirib.

Müəllif hesab edir ki, buna görə də ərazisi nə qədər geniş, hərbi cəhətdən nə qədər güclü olsa da, Rusiya böyük dövlət ola bilmir!

“Bizimyolinfo.az” saytı isə “Müharibənin travması: Qazilərin intiharının qarşısını almaq üçün təkliflər - Ekspertlərdən açıqlama” sərlövhəli məqalədə irli sürülən məsələnin həlli yollarından bəhs edilir.

Müəlif  yada salır ki, 44 günlük İkinci Qarabağ müharibəsindən sonra sağ-salamat qayıdan əsgər Yunis Mənsurovun intihar etməsi qazilərə psixoloji yardımların göstərilməsi məsələsini gündəmə gətirib

Müəllif deyir ki, müharibədən sonra Y.Mənsurov psixoloji problemlərdən əziyyət çəkib və bundan irəli gələrək müharibənin dəhşətlərini görmüş qazilərə yenidən cəmiyyətə qaytarmaq üçün psixoloji yardımların göstərilməsi təklif olunur. Müəllif hesab edir ki, psixoloq ştatında olanların hamısı qazilərlə çalışmaq üçün səfərbər olunmalıdırlar.

Təhsil eksperti Elçin Əfəndi isə deyir ki, bəziləri məktəblərdə psixoloq kimi  çalışsalar da bir qisminin bu elmdən anlayışı belə yoxdur, bu sahə üzrə ali təhsilə belə malik deyil. Bundan irəli fələrək ekspert hesab etmir ki, onların qazilərə hansısa köməkləri dəyə bilər. 

Ekspertlər bu düşüncədədirlər ki, daha yaxşı olar ki, bu sahə üzrə ali məktəblərin son kursunda təhsil alan, müdavim olmağa hazırlaşan  tələbələr fəaliyyətə cəlb edilsinlər.