Açiq mənbələrdən foto.

Açiq mənbələrdən foto.

Koronavirus pandemiyasına qarşı mübarizə, idarəetmə üsulu kimi icra hakimiyyətlərinin ləğv oluna bilməsi ehtimalı, əmək bazarında böhranın səbəbləri və s. məsələlər medianın aparıcı mövzularından biridir.

Rəsmi “Azərbaycan” qəzeti “Azərbaycan koronavirusun səbəb olacağı mümkün faciələrdən sığortalanıb (http://www.azerbaijan-news.az/view-189869/azerbaycan-koronavirusun-sebeb-olacagi-mumkun-facielerden-sigortalanib) sərlövəhli məqalədə ölkədə koronavirus infeksiyasına yoluxmalara qarşı mübarizədən bəhs edilir.

Müəllif deyir ki, koronavirus pandemiyası (COVID-19) dünyanı alt-üst etməkdə davam edir, son sutka ərzində dünyada rekord sayda -106 min yoluxma qeydə alınıb, indiyə qədər dünyaya 9 trilyon dollar həcmində ziyan vurub.

“Nə yazıq ki, bu bəlanın Yer üzündə nə qədər sürəcəyi, ümumiyyətlə, nəfəsinin kəsilib-kəsilməyəcəyi ilə bağlı heç bir dəqiq cavab yoxdur. Xəstəliyə qarşı vaksinin hazırlanması isə yaxın bir ildə gözlənilmir”, - müəllif bildirir.

Müəllif Azərbaycanda da koronavirusla mübarizə çərçivəsində mühüm addımlar atıldığını, qabaqlayıcı tədbirlərin görüldüyünü deyərək ölkənin mümkün faciələrdən sığortalandığını iddia edir.

Onun deməsinə görə, Azərbaycanda koronavirusa yeni yoluxma hallarının müəyyənləşdirilməsi ilə əlaqədar indiyədək 245.609 test aparılıb, digər tərəfdən həssas təbəqələrə 190 manat birdəfəlik ödənişlər ayrılıb.

Xəbərdarlıq edən müəllifə görə, koronavirus təhlükəsi hələ bitməyib və ölkə daxilində bu xəstəliyi ram etdiyimiz bir ərəfədə qətiyyən arxayınlaşmaq olmaz, çünki məqsəd bu bəladan birdəfəlik qurtulmaqdır.

Müəllif deyir ki, karantin davranışlarının istənilən şəkildə pozulması son zamanlar yoluxma sayının artmasına səbəb olub və qazanılmış uğurlar bəzi vətəndaşların məsuliyyətsizliyi sayəsində əldən verilə bilər.

Son olaraq müəllif Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlıya istinadən deyir ki, bütün dünya ölkələri əhalini sərt karantin rejimindən çox bu virusla birgə yaşamağa alışdırır. “Bütün tədbirlərə baxmayaraq, virus bizimlə qalacaq. Yaxın bir il ərzində vaksinin əldə edilməsi gözlənilmir. Antivirus dərman da yoxdur, Bu baxımdan biz qaydalar çərçivəsində yaşamağa alışmalıyıq”.

“Yeni Sabah.az” “İcra hakimiyyətləri ləğv edilə bilərmi? - Yeni dövr” (https://yenisabah.az/icra-hakimiyyetleri-legv-edile-bilermi-yeni-dovr) sərlövhəli məqalədə müəllif idarəetmə orqanı kimi icra hakimiyyətlərinin perspektivini ekspertlərlə müzakirə edir.

` Müəllif belə hesab edir ki, xüsusi xidmət orqanlarının yerli icra hakimiyyətlərində keçirdiyi əməliyyatlardan sonra bu strukturun ləğvi gündəmə gəlib.

Müəllifə görə, həbslərin davam etməsi rüşvət və korrupsiyaya qarşı bu sayaq mübarizənin effektiv olmadığı qənaətini yaradıb, çünki digərləri bu həbslərdən nəticə çıxarılmır: “Bu fakt icra hakimiyyəti strukturunun ləğvini təklif edənlərin arqumentlərini gücləndirib. Artıq deputatlar da bu barədə danışmağa başlayıb”.

Müəllif deyir ki, deputat Vahid Əhmədov icra başçılarının sayının çox olduğunu vurğulayıb: “Bu qədər icra başçısı çoxdur. Azərbaycanda 11 iqtisadi rayon var, hər iqtisadi rayona bir vali təyin etməklə çevik və şəffaf işləyən idarəetmə sistemi qurmaq olar. Məsələn, şimal zonasına bir, cənub zonasına bir müavin təyin etməklə rayon icra hakimiyyəti başçılarının sayını azaltmaq lazımdır”.

V.Əhmədov bu istiqamətdə Türkiyə təcrübəsinə istinad edərək bələdiyyələrin səlahiyyətlərini artırılmasını, Azərbaycanda da bələdiyyə seçkilərinin şəffaf həyata keçirilməli olduğunu təklif edir.

Müəllif deyir ki, ekspertlər hakimiyyətin atdığı addımların gözlənilən effekti verməməsinin səbəbi kimi dəyişikliklərin fundamental xarakter daşımamasını göstərirlər.

“Redaktor.az” “Əmlak bazarında böyük böhran: Yeni qiymətlər necə olacaq?” (https://redaktor.az/news/economy/97499-emlak-bazarinda-boyuk-bohran) sərlövhəli məqalədə əmlak bazarındakı durumu gündəmin müzakirəsinə daşıyır.

Müəllifə görə, koronavirus pandemiyasının zərər vurduğu sahələrdən biri də əmlak bazarıdır, artıq bir neçə aydır ki, bu sahədə də durğunluq müşahidə edilir, çünki karantin dövründə demək olar ki, ev alıb satmaq kiminsə yadına düşməyib.

Müəllifin iddiasına görə, artıq karantin qaydaları yumşaldılıb, bu, müəyyən qədər əmlak bazarına təsir göstərəcək, amma təsirin hansı istiqamətdə olacağı hələlik məlum deyil.

Əmlak bazarı üzrə ekspert Rəşad Əliyev isə bildirib ki, indi bazarda aktivlik çox aşağı səviyyədədir: “Aktivlik aşağı olduqda bazar qiyməti formalaşdıra bilmir. Ev alanlar çox azdır, həmçinin ev satmaqla bağlı fikrini dəyişənlər də var, yəni karantin dövründə bazar şok vəziyyətinə düşüb deyə bilərik. Qiymətlər atılmış vəziyyətdə qalıb, karantindən qabaq necə idisə, hazırda da elədir, çox cuzi enmələr var”.

R.Əliyev növbəti aylarda əmlak bazarında nə kimi dəyişikliklərin baş verəcəyini də diqqətə çatdırıb: “Qiymətlərin hansısa bir istiqamətə getməsi üçün bazar aktivləşməlidir. Bu şəraitdə qiymətlər ancaq azalmaya doğru gedə bilər. Biz bazarın donu açıldıqdan sonra dəyişiklikləri müşahidə edəcəyik”.

 

Rəy yaz

Cəmiyyət

Сможет ли Москва сорвать уход Еревана под крыло Запада? - беседа с экспертом по Центральной Азии Аркадиtv Дубновым в программе "Çətin sual"




Bizi sosial şəbəkələrdə izləyin

Xəbər lenti