Media-icmal 22.09.20

Ərzaq mallarının bahalaşması ehtimalları, koronavirusa yoluxmuş şagird və müəllimlərin sayı, Bakıda dəfn xərclərinin həcmi və s. məsələlər medianın aparıcı mövzuları sırasındadır...

"Oxu.az" saytında "Ərzaq qiymətləri bahalaşacaq" sərlövhəli məqalədə müəllif qiymətlərin bahalaşmasının səbəblərinə aydınlıq gətirir.

Müəllifin sözlərinə görə, BMT-nin Ərzaq və Kənd Təsərrüfatı Təşkilatının yayımladığı hesabata əsasən, qlobal ərzaq qiymətləri və dolların zəifləməsi səbəbindən ərzaq bahalaşması davam edir.

Bundan irəli gələrək, müəllif dünyada ərzaq bahalaşmasının Azərbaycanda qiymətlərə təsir göstərib göstərməyəcəyi məsələsi də gündəmin müzakirəsinə daşınır.

Müəllif əlavə edir ki, dünyanı cənginə alan COVID-19 bir sıra sahələrə mənfi təsir göstərdi və bu, qiymətlərdə də öz əksini tapdı. Belə ki, Dünyada ərzaq qiymətləri ümumilikdə 5 faiz bahalaşıb.

Müəllifin sözlərinə görə, bitki yağları, şəkər və süd məhsullarının qiymətləri nisbətən artıb, bununla da qlobal taxıl məhsullarının qiymətləri illik rekord göstəricisinə çatmağa davam edir.

BMT-nin Ərzaq və Kənd Təsərrüfatı Təşkilatının yayımladığı hesabata əsasən, qlobal ərzaq qiymətləri, güclü tələbin və dolların zəifləməsi səbəbindən ardıcıl olaraq üçüncü aydır ki, artmaqda davam edib.

Müəllifin sözlərinə görə, həmçinin ərzaq qiymətlərinin bahalaşmağının səbəblərindən biri də pandemiyadır.

Xatırladaq ki, Azərbaycan dünyada bahalaşan ərzaq məhsullarını idxal edirsə, bu, bizim bazarda da qiymətlərə təsirsiz ötüşməyəcək.

Çünki idxal olunan malların qiymətləri artan kimi bu, özünü yerli bazarlarda da göstərəcək.

"Bizimyol.infom" saytı isə "Koronavirusa yoluxan müəllim və şagirdlərin sayı açıqlandı" sərlövhəli məqalədə bu məsələyə aydınlıq gətirir.

Müəllifin sözlərinə görə, 2020-ci il sentyabrın 21-nə olan məlumata görə, dərs ili başlayandan bu günədək 95 şagird və 26 işçi heyəti olmaqla, 121 nəfərdə koronavirus aşkarlanıb.

Həmin şagirdlərin əksəriyyəti yuxarı siniflərdə təhsil aldıqları üçün ümumi təhsil müəssisələrinə gəlməyiblər, bu şəxslər ümumilikdə 346 nəfərlə təmasda olublar. "Bu günə olan məlumata əsasən, koronavirusa yoluxma ilə əlaqədar respublika ərazisində cəmi bir məktəbdə, Quba rayonu Qamqam kənd orta məktəbində 8 müəllimin virusa yoluxması səbəbindən əyani formada tədris dayandırılıb, distant formaya keçid edilib. Müəllimlər arasında kütləvi yoluxmanın səbəbinin sosial məsafənin qorunmaması və şəxsi gigiyena vasitələrindən istifadə edilməməsi olduğu ehtimal olunur.

"Redaktor.az" saytı  "Bakıda ölmək 3500 manata başa gəlir" sərlövhəli məqalədə müəllif paytaxt Bakıda dünyasnı dəyişən şəxsin dəfninin neçəyə başa gəlməsini dəyərləndirir.

"Çox təssüf ki, hazırda məzarlıqlarda qəbir yerlərinin satışı qanuna uyğun formada həyata keçirilmir. Və məzar yerləri dövlət rüsumundan dəfələrlə baha satılır". Bu fikirləri millət vəkili Azər Badamov bildirib.

Deputatın sözlərinə görə, 2018-ci il dekabrın 4-də Nazirlər Kabinetinin təsdiqlədiyi yeni qərara əsasən, məzarlıqlarla bağlı cavabdehlik bələdiyyələrə həvalə edilib: "Bakı şəhərində hazırda 100 qəbirstanlıq var. Qanunla hər bir qəbir yerinə görə müsəlmanlar üçün dövlət rüsumu 63, müsəlman olmayanlar üçün isə 79 manat müəyyən edilib. Lakin bir qəbir yeri 1000 manatdan aşağı satılmır.

Belə olduğu təqdirdə vətəndaş Baş Prokuror yanında Korrupsiyaya qarşı Mübarizə Baş İdarəsinə müraciət etməlidir".

Bu, həm də ictimai nəzarətdir. İctimai nəzarət odur ki, belə halların baş verməsinin qarşısı alınsın, bu vəziyyətə nəzarət olunmalıdır. Əgər hardasa belə korrupsiya halına rastlanarsa, mütləq müvafiq orqanlara müraciət edilməlidir.

Bu halda biz bu qanunsuzluqların qarşısını ala bilərik".

Azər Badamov məzarlıqlarla bağlı qəbul edilən qanunda qəbir daşlarının vahid standart formasının müəyən edildiyini, lakin hələ də bu tələblərə cavab verməyən qəbir daşlarının düzəlməsindən də danışıb: "Qanunda qəbir daşlarının vahid standart forma və ölçülərdə olması qeyq edilib. Çox təssüf ki, bu gün buna riayət edilmir. Buna görə də aidiyyatı şəxslər hərkətə keçməlidir. Qəbir daşlarının müxtəlif formada düzəldilməsinin qarşısı alınmalıdır. Xarici təcrübəni götürsək, Avropanın və digər inkişaf etmiş ölkələrin məzarlıqlarında bütün qəbir daşları eyni standart forma və ölçüdədir. Lakin bizdə belə deyil. Qəbir daşlarının müxtəlif formalarda qoyulması, təbii ki, yolverilməzdir, Çünki hər bir şəxs dəb-dəbəli qəbir daşları qoydura bilmir. Maddi cəhətdən buna imkanı çatmır".