Media-monitorinq 17.03. 2016

Ölkədə korrupsiya, məmur özbaşınalığı, dövlət səviyyəsində bədxərclik medianın aparıcı mövzusudur.

Rəsmi Bakı Türkiyə ilə səmimidirmi?

“Azadlıq” qəzetində dərc edilən “İlham Əliyev Türkiyədə söylədiklərinə əməl edəcəkmi?” adlı məqalədə dövlət başçısı İlham Əliyevin bu il matrtın 15-də Türkiyəyə səfəri zamanı verdiyi vədlərə sadiq qalıb-qalmayacağı müzakirə mövzusudur. Yazıda İ.Əliyevin səfərdə Türkiyənin güclü olmasının Azərbaycanın güclü olması, daim Türkiyənin yanında olması kimi bəyanatlarını xatırladır. “Amma Azərbaycan hakimiyyətinin yürütdüyü siyasətlə, ölkə başçısının Türkiyədə söylədikləri arasında ziddiyyətlər var”.

Daha sonra indiyə kimi iki ölkə arasında viza probleminin həll edilməməsi qeyd edilir və rəsmi Bakı müxtəlif bəhanələrlə problemin həllindən yayınmaqda ittiham edilir. “Türkiyə Azərbaycan arasında belə elementar məsələlərin düyünə düşməsi absurddur”.

Türkiyədən Azərbaycana gələn mallara Rusiya ilə müqayiəsdə 2 dəfə çox rüsum qoyulduğu vurğulanır və doğma qardaşa “ögey münasibət” bəsələnilməsi kimi dəyərləndirilir.

Yazıda Türkiyəni qana boyayan PKK təşkilatına rəmsi Bakının münasibəti tənqid edilir. PKK başçısı Abdullah Öcalanın məhkəmədə ən güclü dayaqlarından birinin Azərbaycanda olması məsələsinin bu günə kimi hələ də araşdırılmadığı nəzərə çatdırılır.

“Azərbaycan hökumətinin Türkiyə ilə münasibətlərdə səmimi olmadığını göstərən digər nümunələr də var, sadəcə olaraq bir neçə faktı sadalamaqla hökumətin kristallaşdırırlmış mövqeyinin olmadığını göstərmək istədik”.

Korrupsiyanı qidalandıran səbəblər qalır

Korrupsioner məmurlar öz vəzifələrində qaldıqları üçün korrupsiya da əvvəlki kimi öz mövqeyini təslim etmir, bu hala qarşı mübarizə səmərə vermədi, çünki onun təşkilatlanmış strukturları və onu qidalandıran səbəblər qorunub saxlanılır. “Novoye Vremya” qəzetində dərc edilən “Korrupsiya qanunlar ilə ləğv edilməz, yeni yanaşma lazımdır” sərlövhəli məqalədə ölkədə korrupsiyanın səviyyəsi araşdırılır. Hətta qanunların sərtləşdirilməsi belə korrupsiyaya uğramış məmurları dayandırmaq üçün yetərli sayılmr. “Bu gün ölkədə elə bir sahə yoxdur ki,korupsiya oraya caynağını uzatmamış olsun. O, bizim həyatımızda o qədər dərinə daxil olub ki, bəzən bu qüsurun ləğv edilməsinin mümkünsüzlüyü təəssüratı yaranır”.

Məqalədə dövlət qurumlarının bu və ya digər dərəcədə korrupsiyaya bulaşdığı, bu “cəmiyyət xorası”na qarşı tətbiq edilən mübarizə metodlarının sırf görüntü yaratmaq xarakteri daşıdığı deyilir. Yeri gəlmişkən, bir qayda olaraq bütün inzibati resursların gücü “balaca adamların” cəzalandırılmasına yönəlir. Məqalədə indiki vəziyyətin, xüsusilə, idarəetmə sisteminin birmənalı şəkildə təxirəsalınmaz və köklü islahatlar tələb etdiyi vurğulanır.

“Qeyd-şərtsiz bir tərəfdən keyfiyyət göstəriciləri, habelə insan amilini stimullaşdıran göstəricilər əhəmiyyətli dərəcədə yaxşılaşdırılmalı, digər tərəfdən korrupsiya mexanizmlərinin kökünü qoparmaq üçün konkret addımlar atılmalıdır. Yaltaqlıq, üzüyolalıq, yarınmaq - bu kadrların əsaslarını bu təşkil edir, birmənalı olaraq bunlara son qoyulmalıdır. Köklü və təcili islahatlar lazımdır, məmur kadrların yerdəyişmələri lazım deyil”.

Nazirin müşaviri reketlik edir?

Vergilər Nazirliyi yanında Bakı Vergilər Depatamentinin rəisi Habil Məmmədovun fəaliyyəti “Yeni Müsavat” qəzetində işıq üzü görən yazıda tənqid edilir. “Fazil Məmmədovun müşaviri Eldar Mahmudovun yolunu gedir” məqaləsi məhz bu məsələyə həsr edilib.

Qəzetə görə, bu yaxınlarda market sahiblərilə görüşən H.Məmmədov onlara dövriyyənin 6%-i qədər haqq ödəmək tələbi qoyub. “Bu addım ölkə başçısının start verdiyi fəaliyyəti sabotaj etməklə yanaşı, sahibkarları ölkədən küsdürür”.

Daha sonra deyilir ki, bu işdə müşavirə rəis müavini Nəsimi Cəfərov. müxtəlif sahələr üzrə audit rəisləri Vüqar Rzayev, Emil Xanməmmədov yaxından yardım edir.  “Bu ssenari Azərbaycan cəmiyyətinə heç də yad deyil, Ancaq bu praktika heç də hər zaman işə yaramır, bunu praktikaya tətbiq etmək istəyənlər çox pis cəzalandırılırlar”.

Son olaraq qeyd edilir ki, bu məsələ ilə bağlı sahibkarlar yaxın zamanda prezident İlham Əliyevə müraciət etməyə hazırlaşırlar.

Büdcə kəsiri xarici borc hesabına qapadılıb

Dövlət büdcəsinin kəsiri xarici borclanma hesabına ödənilib. “Bizim Yol” qzəetində dərc edlən “Büdcə kəsiri borc haesabına qapadılıb” məqaləsində bu məqam yer alır.  Həm də xarici kreditlərin 19%-nin bu məqsədə xərcləndiyi vurğulanır. Ümumilikdə isə hazırda ölkənin xarici borcu 9 milyard dollara yaxındır.

Məqalədə keçən il Çexiya, banklarından 600 milyon avroya yaxın kredit götürüldüyü vurğulanır. Digər tərəfdənsə, Gürcüstana 25 il müddətinə simvolik faizlə 775 milyon dollar kredit veridlyi xatırladılır. Dəmiryolları idaərləri xəttilə kreditlər alınmasına dair sazişlər imzalandığı xatrıladılır.