Açiq mənbələrdən foto.
Məhkəmələr vaxtından əvvəl şərti azadlığa buraxılmaya dair müraciətlərə baxılmasında qeyri-obyektivdir
Bakı/07.07.20/Turan: Bakı İnsan Hüquqları Klubu (BİHK) vaxtından əvvəl şərti azadlığa buraxılmaya dair şikayətlərə qeyri-obyektiv baxılması ilə bağlı mənfi praktika ilə əlaqədar narahatlığını bildirib.
Çoxsaylı sənədlərin təhlili göstərir ki, tez-tez penitensiar müəssisələrin administrasiyası işləri siyasiləşdirir, məhkumun xasiyyətnaməsini qeyri-obyektiv tərtib edir, - BİKK-nın bəyanatında bildirilir.
Buna misal olaraq AXCP fəalı Babək Həsənovun işi xatırladılır.
O 2018-ci ilin mayında həbs edilib və sonradan AXCP-nin qanunsuz maliyyələşdirilməsi ilə bağlı saxta iş üzrə 3 il müddətinə azadlıqdan məhrum edilib.
Onunla birlikdə bir neçə nəfər də mühakimə olundu. Onların günahı ondan ibarət idi ki, siyasi məhbusların ailələrinə maddi yardım göstəriblər.
İyulun 1-də Nizami məhkəməsi cəza müddətinin üçdə iki hissəsini çəkdiyi üçün onu vaxtından əvvəl şərti azadlığa buraxmaqdan imtina edib.
B.Həsənovun xasiyyətnaməsində deyilir ki, o, “nizam-intizamın pozulmasına meyllidir” və “tərbiyəvi söhbətlər zamanı müxalif baxışlarla dövlətə qarşı çıxıb”.
“Məgər penitensiar müəssisənin fəaliyyəti məhkumların siyasi baxışlarını aydınlaşdırmaqdan ibarətdir? Bu xasiyyətnamə açıq şəkildə siyasiləşdirilib”, - bəyanatda bildirilir.
Vaxtından əvvəl şərti azadlığa buraxılma məhkəmənin mülahizələri əsasında yox, nəzarətçilərin subyektiv fikirləri əsasında həll edilir, - bəyanatda qeyd olunur.
BİHK vaxtından əvvəl şərti azadlığa buraxılma mexanizminin və cəzanın yumşaldılması ilə bağlı digər növlərin effektiv tətbiqi üçün bu sahədə islahatların aparılmasını zəruri hesab edir. BİHK də B.Həsənovun apellyasiya şikayətinə baxılmasını izləmək niyyətindədir və ümid edir ki, proses obyektiv olacaq.
BİHK bu ilin mayında hüquq müdafiəçisi Rəsul Cəfərov və vəkil Cavad Cavadov tərəfindən yaradılıb.06D-
-
- Cəmiyyət
- 7 İyul 2020 14:30
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz