Mətbuat-Monitorinq 02-03.06.13

Rəsmi qəzetlər dövlət başçısı İlham Əliyevin bir sıra ölkələrin başçılarına və Əliyevə ünvanladıqları müraciətləri ilk səhifələə çıxarıblar. 

“Azadlıq” qəzeti hakim Yeni Azərbaycan Partiyasının növbəti qurultayının keçirilməsi vaxtını irəli çəkməsini Milli Şuranın yaradılması ilə hakimiyyətdə parçalanma ola biləcəyilə əlaqələndirir.

Qəzet iqtidar təmsilçilərinin müxtəlif ölkələrə səfərlərini qarşıdakı prezident seçkiləri öncəsi dəstək axtarışı kimi dəyərləndirir, xarici işlər naziri Elmar Məmmədyaroivun ABŞ səfərini “ABŞ-ın mövqeyini yumşaltmaq səyi” adlandırır. 

Böyük Britaniyanın “Daily Telegraph” qəzeti ölkə parlamentarilərinin lobbi qurumlarının təsiri altında olduğunu yazaraq belə qurumlar sırasında nazir Kəmaləddin Heydərovun oğlu Taleh Heydərovun rəhbəri olduğu “Avropa-Azərbaycan Cəmiyyəti”nun adını çəkir. 

Dövlət başçısı İlham Əliyevin əmisi Cəlal Əliyevin ortağı olan Sədiyar Zeynalov ölkənin etiraz elektoratını ətrafılnda birləşdirməyi hədəf seçən Milli Şuraya dəstək verib. 

“Yeni Müsavat” İranın prezidentliyə namizədi Həsən Ruhaninin  “Azərbaycan İran üçün təhlükədir” bəyanatı yaymasına diqqət çəkir. 

“The Vaşinqton  Post”q əzeti Bakı Forumunda iştirak edən Obamanın keçmiş köməkçilərinin Bakıda nə qədər pul aldıqları sualını cavablandırmaqdan imtina etdiklərini yazır. 

Siyasi məhbus İlqar Məmmədova 3 gündür ki. yemək verilmədiyini bildirən qəzet onun səhhətinin ağırlaşdığını yazır. 

Milli Şuranın vahid namizəd məsələsinə toxunan Müsavat Partiyasının başqanı İsa Qəmbər “seçkilərə partiyalara birbaşa bağlı olmayan intellektuallardan birinin namizədliyi ilə gedilə bilər” bəyanatını səsləndirib. 

Müxalifətin birlik formatı İctimai Palatanın Koordinasiya Şurasının üzvləri ölkənin etiraz elektoratını öz ətrafında birləşdirməyi hədəf seçən Milli Şuraya daxil ediliblər.

“Bakı Xəbər” psixoloq Dəyanət Rzayevə istinadən Azərbaycanda psixoloqlara ən çox media nümayəndələrinin müraciət etdyini bildirir.