![Türkiyədə nümayişçilərlə polis arasında yeni toqquşmalar](https://turan.az/resized/750/500/resize/media/2013/main/060300038376.jpg)
Türkiyədə nümayişçilərlə polis arasında yeni toqquşmalar
Ötən axşam və gecə Türkiyənin müxtəlif şəhərlərində nümayişçilərlə polis arasında toqquşmalar davam edib. Bu, baş nazir Rəcəb Tayyib Ərdoğanın televiziya ilə çıxışından sonra baş verib. O bildirib ki, İstanbulun Taksim meydanında parkın dağıdılması ilə bağlı planları dəyişmək niyyətində deyil. Bundan əlavə, o deyib ki, orada yerləşən Atatürk Mərkəzi də söküləcək, yerində məscid və opera teatrı tikiləcək. O həmçinin qeyd edib ki, “bir dəstə xuliqanın” təzyiqləri altında geri çəkilmək niyyətində deyil.
Ərdoğan televiziya müsahibələrinin birində sosial şəbəkələri, əsasən Twitter-I tənqid edərək onu dezinformasiya yayan, iğtişaşlara xidmət edən “sosial bəla” adlandırıb.
İstanbuldakı Azərbaycan diasporunun nümayəndələrinin Turan-a verdikləri məlumata görə, ölkə ictimaiyyəti bu çıxışları təhdid kimi qəbul ediblər və minlərlə adam yenidən küçələrə çıxıb.
Ankarada toqquşmalar zamanı polis ilk dəfə olaraq nümayişçilərə qarşı döyüş güllələrindən istifadə edib. Bir nəfər yaralanıb. “Azadlıq” radiosu bildirib.
İstanbula Türkiyənin digər şəhərlərindən etirazçılarla dolu 50-dən çox avtobus gəlib. Otuz mindən çox adam marş sədaları altında şəhərin Avropa hissəsindən Asiya hissəsinə keçib. Nümayişçilər Ərdoğanın istefasını tələb ediblər.
İzmirdə baş nazirin istefasını tələb edən on beş mindən çox adam küçələrə çıxıb, hakim partiyanın ofisinə daş atıb, baş nazirin istefasını tələb edib.
Türkiyə KİV-in məlumatlara görə, toqquşmalar zamanı çoxlu yaralı və zərərçəkən var. Həbs olunanların ümumi sayı min nəfəri ötüb.
Yerli ekspertlərə görə, Ərdoğan öz idarəçiliyi dövründə ən ciddi problemlə üzləşib və panikaya düşüb. Onun qeyri-adekvat bəyanatları və hərəkətləri yalnız öz vəziyyətini çətinləşdirir.
Yerli müşahidəçilərin fikrincə, ölkədə etiraz dalğası artacaq və Ərdoğan hökumətinin taleyi ordunun necə davranacağından asılı olacaq.
Lakin, sirr deyil ki, Ərdoğanı ən çox istəməyən məhz Türkiyənin Silahlı Qüvvələri və ilk növbədə generalitetdir. -02B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz