Mətbuat-Monitorinq 07.11.15
Rəsmi qəzetlər dövlət başçısı İlham Əliyevin Gürcüstan səfəri, səfər çərçivəsində keçridiyi görüşlər haqda xəbərləri ilk səhifələrdə yerləşdiriblər.
“Azadlıq” qəzeti bu ilin mayında Binəqədidə yanan hündürmərtəbəli binadakı yanğınla “MTN işi” arasında əlaqələrin olması iddiasını manjetə çıxarıb və bu haqda genişhəcmli məqalə dərc edib.
Ekspertlər rəsmi Bakının 10 milyard dollar azalan neft gəlirlərinin yerini bu itkinin ən yaxşı halda cəmi 5-10%-ni ödəyə biləcək vergilə doldurmaq səylərini mənasız sayırlar.
2014-cü ilin martında 6 il azadlıqdan məhrum edilən NİDAçı Şahin Novruzlu evlərində axtarış zamanı MTN əməkdaşlarının 94 min manat pulu götürdükləri bəyanatı yayaraq vəsaitin ailəyə qaytarılmasnı tələb edir.
Rəsmi Bakının ipoteka kreditlərinin əhatəsini genişləndirəcəyi bəyanatına ekspertlər “iri neft pulları əldə edildiyi dövrdə ipotekaya ehtiyac ödənmədisə bundan sonra ödənməsi çox çətin olacaq” şərhini veriblər.
ABŞ-ın Azərbaycanda səfiri R.Sekuta Bərdədə su layihəsinin icrasına başlanılması mərasimində 1992-ci ildən bu yana ABŞ-ın Azərbaycana kömək üçün 1.5 milyard dollardan çox vəsait ayırdığını bəyan edib.
Qəzet “Müsəlman Birliyi” Hərəkatının sədr müavini Elçin Qasımlının həbsinə Hərəkat üzvlərinin etirazını Hərəkatın sədri “Tale Bağırzadənin adamlarının ayağa qalxması” kimi dəyərləndirir.
“Ekspress” dövlət başçısı İlham Əliyevin Marneulidə azərbaycanlılarla görüşməsini diqqət mərkəzinə çəkib.
Azərbaycan XİN ölkənin işğal altında olan rayonlarının muzeylərindəki unikal kolleksiyaları ermənilərin satışa çıxardığı haqda bəyanat səsləndirib.
“Novoe Vremya” ölkədə yaşayış minimumunun 146 manat təşkil etməsinə “bu yaşayış minimumuna necə yaşayaq?” sualını gündəmə gətirib.
Qəzet “Müsəlman Birliyi” Hərəkatının sədr müavini Elçin Qasımlının polis tərəfindən saxlanmasına Hərəkat üzvlərinin etirazını “dindarlarla polislər arasında qarşıdurma” kimi dəyərləndirir.
“Bizim yol” Sumqayıt Şəhər İcra Hakimiyyətində 3 milyon manatlıq “yeyinti”nin aşkar edilməsini ilk səhifədə yerləşdirib.
Binəqədidəki “Zeytun bağı” restoranının sahibi İlqar Məmmədov intihara cəhd etməsinə səbəb kimi 5 milyon manat xərci çıxan obyektini indi icra hakimiyyətinin əsassız olaraq sökdürmək istədiyini göstərib.
Deputat Vahid Əhmədova görə, ölkədə sahibkarlığın inkişafı bank sistemində islahatlardan, kredit faizlərinin mütləq şəkildə azaldılmasından, məmurların onların təzyiqlərini insanların qəbul edəcək halda olmadıqlarını anlamasından keçir.
“Yeni Müsavat” dövlət başçısı İlham Əliyevin “MTN işi” ilə bağlı “reketlik ediblər” ifadəsini “MTN-in keçmiş şefi Eldar Mahmudovun həbsinin anonsu” iddiası ilə ilk səhifəyə çıxarıb.
Qəzet keçmiş parlamentin spikeri Oktay Əsədov MTN-in keçmiş şefi Eldar Mahmudovla yaxın əlaqələrə görə yeni parlamentdə spiker olmayacağaını, bu posta rektor Əhliman Əmiraslanovun gətiriləcəyi iddiasını onə verib.
“MTN işi” ətrafında həbs edilən polkovnik Təhsin Ağayev intihara cəhd edib, amma vəkili Gülarə İlyasova bu haqda danışmaq istəmədiyini söyləyib.
Ekspertlərə görə, ölkədə iqtisadi inkişafın qarşısını alan ən böyük əngəl məmur biznesmenlərdir və məmurların sahibkarlıqla məşğul olmasını qadağan edən qanunların işlək mexanizmi yoxdur.
-
- Cəmiyyət
- 7 Noyabr 2015 12:11
-
- İqtisadiyyat
- 7 Noyabr 2015 12:52
Cəmiyyət
-
"Azərbaycan Respublikasının Prezidenti cənab İlham Əliyevin və ailə üzvlərinin adından guya vətəndaşların hansısa investisiya proqramına vəsait qoymağa təşviq edilməsi barədə bir sıra saxta sosial şəbəkə hesablarında paylaşılan materialların saxta ("fake") məlumatdır".
-
Azərbaycanda taksi xidməti ilə bağlı tənzimləmələrdən sonra Bakıda 35 minə yaxın taksi fəaliyyət göstərir və bu say əvvəlkindən 2 dəfə azdır. Bu barədə rəqəmsal inkişaf və nəqliyyat nazirinin müavini Rəhman Hümmətov Mobillik sahəsində qanunvericiliyin təkmilləşdirilməsinə həsr olunmuş brifinqdə bildirib.
-
Hakim Yeni Azərbaycan Partiyası (YAP) iyulun 17-də sentyabrın 1-də keçiriləcək növbədənkənar parlament seçkiləri ilə bağlı bütün 125 dairə üzrə namizədlərinin siyahısını açıqladı. Əvvəlki çağırış parlamentində təmsil olunan hakim partiya nümayəndələrinin bəziləri həmin namizədlərin arasında yoxdur.
-
Azərbaycanın milli aviadaşıyıcısı AZAL Bakı-Düşənbə-Bakı marşrutu üzrə uçuşlara başlayır.
Rəy yaz