Mətbuat-Monitorinq 10.04.14

Rəsmi qəzetlər dövlət başçısı İlham Əliyevin İran səfərinə, burada keçirilən görüşlərlə bağlı xəbərlərə geniş yer veriblər.

“Azadlıq” qəzeti rəsmi Bakının baş nazir vəzifəsinə ARDNŞ prezidenti Rövnəq Abdullayevi gətirmək istəməsi, amma Türkiyənin baş naziri Ərdoğanın səfərindən sonra bu qərarın dəyişməsi iddiasını manjetə çıxarıb.

“Amnesty İnternational” təşkilatı mühakimə edilən “NİDA”çıların həbsdən azad olunması ilə bağlı kampaniyaya başladığını bildirir.

Qəzet Türkiyə mənbələrinə istinadən Türkiyənin baş naziri Ərdoğanın “nurçu”larla bağlı ilk dəfə Soçidə, daha sonra Bakıda siyahı tərdim etdiyini diqqətə çatdırır.

İndiki dövlət bayrağını Naxçıvanda XX əsrin 90-cı illərində atası Heydər Əliyevin qaldırması haqda dövlət başçısı İlham Əiyevin bəyanatına Naxçıvan hərəkatçıları “biz o bayrağı qaldıranda H.Əliyev Naxçıvanda yox idi” cavabını veriblər.   

“Zerkalo”  dövlət başçısı İlham Əliyevin İran səfərini önə çəkərək bu faktı “Azərbaycanın Qərblə İran arasında münasibətlərin normallaşmasında körpü ola biləcəyi” kimi dəyərləndirir.   

Qəzet rəsmi Bakının ABŞ-ın “Sülh Korpusu” layihəsinə son qoymasına “əyalət gəncliyini xarici dil öyrənməkdən məhrum etmək olarmı?” sualını ünvanlayır.

“Ekspress”  ekspetlərə istinadən dövlət başçısı İlham Əliyevin İran səfərinə “Tehranla Bakının əlaqələri dərinləşdirməsi” mövqeyini ifadə edir.

Qərbin Rusiyaya sanksiyaları ilə bağlı Azərbaycanın hansı mövqe tutacağına toxunan politoloq Zərdüşt Əlizadəyə görə rəsmi Bakı bu sanksiyalara qoşulmayacaq.

“Bizim yol” qəzetinə açıqlamasında minaya düşərək yaralanan əsgər buna səbəb kimi “səngərin minalardan yaxşı təmizlənməməsi”ni göstərir.

Əfqanıstandan çıxarılan ABŞ hərbi texnikasının Azərbaycanda yerləşdirilə bilməsinə rəsmi Kreml “bu münasibətləri korlaya bilər” bəyanatını səsləndirib.

Ekspertlərə görə ölkədə icbari tibbi sığorta tətbiq olunmadıqca səhiyyə sistemindəki problemlərin həlli mümkün olmayacaq.

“Yeni Müsavat”  dövlət başçısı İlham Əliyevin İran səfərini önə çəkərək ekspertlərə istinadən bu səfəri “Azərbaycana yönəlik xarici riskləri azaltmağa hesablanan” səfər adlandırır.

Hüququşünas Vidsadi İsgəndərli nəqliyyat naziri Ziya Məmmədovu onu öldürtdürmək səylərində ittiham edib.   

Mənimsəmə iddiası ilə həbsə alınan AMAY şirkətlər qrupunun prezidenti Abdulla Abdullayevin vəkili Əkbər Bağırov ittihamların əsassız olduğunu, onun barəsində  həbs qət-imkan tədbirini dəyişməsi üçün apellyasiya şikayəti verdiyini bəyan edib. 

Hərbi ekspert Üzeyir Cəfərli Baş Qərargah rəisi Nəcməddin Sadıqovun Rusiya Baş Qərargah rəisinə medal verməsini “xəyanətə bərabər addım” adlandırıb.