![Milli Şura İnternetdə yaranmış vəziyyəti və Ukrayna hadisələrini müzakirə edib](https://turan.az/resized/750/500/resize/media/2014/main/041000075011.jpg)
Milli Şura İnternetdə yaranmış vəziyyəti və Ukrayna hadisələrini müzakirə edib
Demokratik Qüvvələrin Milli Şurasının Koordinasiya Mərkəzi İnternetdə senzuranın artdığını və sosial şəbəkələrdə fəalların təqib olunduğunu bildirib.
KM üzvləri çərşənbə günü ölkədəki daxili siyasi vəziyyətin müzakirəsi zamanı belə nəticəyə gəliblər. Bu barədə MŞ-nin sədr aparatı bildirib.
İclas zamanı İnternetdə söz azadlığının məhdudlaşdırılması ilə bağlı dövlət siyasətinin olmasına dair faktlar göstərilib. DQMŞ sədri Cəmil Həsənlini dəstəklədiyinə görə sosial şəbəkə fəalı Elsevər Müsəllinin 5 il müddətinə həbs olunduğu qeyd edilib.
Sonra KM üzvləri müxtəlif sahələr üzrə işlərin sürətləndirilməsinə dair fəaliyyət planının qəbuluna tərəfdar olduqlarını bildiriblər.
KM Ukrayna hadisələrinə xüsusi diqqət yetirib. Vəziyyətin inkişafı ilə bağlı müxtəlif ssenarilər nəzərdən keçirilib, bunların Azərbaycana və bütün postsovet məkanına təsiri müzakirə olunub. Ukrayna böhranından ibrət alaraq KŞ Azərbaycanda demokratiyanın irəliləməsi üçün beynəlxalq işin gücləndirilməsini qərara alıb.
Avrointeqrasiya prosesinin vəziyyəti, Şərq tərəfdaşlığı çərçivəsində öhdəliklərin hökumət tərəfindən yerinə yetirilməsi ilə bağlı xüsusi dinləmələrin keçirilməsi qərara alınıb.—0—
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz