Əli Xamenei dini ekstremizmin yaratdığı təhlükədən danışıb

Aprelin 9-da Tehranda prezident  Ilham Əliyev və İran İslam Respublikasının ali rəhbəri Seyid Əli Xameneinin görüşü olub.

Azərbaycan prezidentinin saytının məlumatına görə, görüş zamanı Xamenei  bildirib ki, ikitərəfli münasibətlər bundan sonra daha da möhkəmləndiriləcək.

O, iki ölkə arasında əlaqələrin bundan sonra da uğurla inkişaf edəcəyinə ümidvar olduğunu bildirib, xalqlarımız, dövlətlərimiz arasındakı yaxınlığın və ümumi köklərin münasibətlərimizin inkişafına öz töhfəsini verdiyini qeyd edib.

Ali rəhbər öz ölkəsinin Dağlıq Qarabağ münaqişəsinin Azərbaycanın ərazi bütövlüyü əsasında həllinin tərəfdarı olduğunu bildirib.

Öz  növbəsində  İrna agentliyi yazıb ki, Xamneyi bildirib ki, sionist rejimi , o cümlədən bəzi qüvvələr  İranla  Azərbaycan  arasındakı münasibətlərindən razi deyil və  bunu pozmaq istəyir. Lakin ciddi və qətiyyətli siyasi iradə belə fitnələri  məğlubiyyətə uğradır.

Öz növbəsində İ.Əliyev ikitərəfli münasibətlərimizin uğurla inkişaf etdiyini, ölkələrimiz arasında tarixi, mədəni, dini köklərin əlaqələrimizin inkişafı üçün möhkəm zəmin yaratdığını bildirib. Dövlət başçısı Azərbaycanla  İranın beynəlxalq səviyyədə bir-birini dəstəklədiklərini vurğulayıb, iqtisadi əlaqələrimizin genişləndirilməsi işində yaradılmış müştərək komissiyanın mühüm rol oynayacağını diqqətə çatdırıb.

Azərbaycan prezidenti ölkələrimiz və xalqlarımız arasında əlaqələrin bundan sonra da genişləndirilməsinin əhəmiyyətini qeyd edib. -16D-