![NİDA üzvünə işgəncə verilməsi ilə bağlı Avropa məhkəməsinə şikayət göndərilib](https://turan.az/resized/750/500/resize/media/2014/main/041000075019.jpg)
NİDA üzvünə işgəncə verilməsi ilə bağlı Avropa məhkəməsinə şikayət göndərilib
NİDA hərəkatının fəalı Məmməd Əzizovun vəkili fəala işgəncələrin verilməsi ilə bağlı Avropa İnsan Hüquqları Məhkəməsinə şikayət göndərib.
Vəkil Fariz Namazlı Turan-a bildirib ki, M.Əzizovla bağlı Avropa İnsan Hüquqları Konvensiyasının 3-cü maddəsi (işgəncələrin qadağan edilməsi) pozulub.
M.Əzizov kütləvi iğtişaşların təşkilində ittiham olunan NİDA vətəndaş hərəkatının 8 fəalından biridir. İşə Bakı Ağır Cinayətlər Məhkəməsində baxılır.
Vəkilin sözlərinə görə, M.Əzizov iki dəfə döyülüb və hüquq-mühafizə orqanları əməkdaşları tərəfindən işğəncələrə məruz qalıb. İlk dəfə bu, onun həbsindən əvvəl, 2013-cü il yanvarın 11-də baş verib. O zaman digər fəal Bəxtiyar Quliyevlə birlikdə saxlanılıb. Onlar 12 yanvar etiraz aksiyasında iştiraka çağıran vərəqələr yayırmışlar. Onları Səbayel Rayon Polis İdarəsinin 9-cu bölməsinə aparılıb və orada döyülüblər.
İkinci hadisə M.Əzizov 2013-cü il martın 15-də MTN təcridxanasında baş verib. Saxlandıqdan dərhal sonra martın 8-9-da psixoloji və mənəvi təzyiqlər altında ondan digər fəal Rəşad Həsənova qarşı ifadə alıblar.
Lakin martın 15-də üzləşmə zamanı M.Əzizov ifadəsindən imtina edib. MTN-in iki əməkdaşı ona başqa otağa apararaq rezin dəyənəklə döyüblər və məcbur ediblər ki, R.Həsənovun əleyhinə ifadə versin. Ayaqlarındakı güclü ağrılara görə Məmməd bir həftə yeriyə bilməyib, müvəqqəti olaraq bir qulağı kar olub.
Vəkil şikayətlə prokurorluğa müraciət edib. Lakin 2013-cü il iyunun 4-də Baş Prokurorluq işğəncə faktı üzrə cinayət işi qaldırmaqdan imtina edib.
Bu qərardan Səbayel Rayon Məhkəməsinə şikayət verilib, lakin məhkəmə şikayəti təmin etməyib. Səbayel məhkəməsinin qərarından apellyasiya da təmin olunmayıb.
Xatırladaq ki, Amnesty International beynəlxalq hüquq-müdafiə təşkilatı ittiham olunan NİDAçıları “vicdan məhbusu” adlandırıb.—06B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz