Bakı/30.07.18/Turan: "Müsəlman Birliyi" öz bəyanatında xüsusi xidmətlər tərəfindən "silahlı müqavimət" göstərdiyinə görə öldürülən Sərxani Ağa Hüseyn oğlunun bu təşkilatın üzvü olduğunu etiraf edib.
"Hakimiyyət "Müsəlman Birliyi" hərəkatını Gəncə hadisəsinə cəlb etməyə çalışıb, amma buna imkan verilməyib. Bununla belə, hərəkat üzvləri hədəf seçilib", deyə bəyanatda bildirilir.
Sərxani Ağa hərəkatın fəal üzvü idi, onun aksiyalarında iştirak edirdi.
Gəncə hadisələri ilə bağlı şübhəli bilinən şəxslərin, o cümlədən Sərxani Ağanın öldürülməsi hakimiyyətin cəmiyyətdə qorxu salmaq cəhdidir.
2015-ci ildə Nardaranda buna bənzər vəziyyət olub, hərəkatın fəal üzvləri uydurma silahlı müqavimət göstərmək ittihamları ilə həbs ediliblər.
"Bu gün Gəncə iğtişaşlarının təşkili ilə bağlı uydurma ittihamlarla yenə dindarları qətlə yetirirlər", deyə bəyanatda bildirilir.
Müəlliflər hesab edirlər ki, Sərxani Ağa öldürülüb, sonradan əlinə tapança verilib, şəkli çəkilib və yayılıb.
Hərəkat həmçinin Sərxaninin cəsədinin ailəsinə təhvil verilməsini tələb edir. -06D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz