Ölkə mediası nə yazır?-media-icmal 26.12.20

Koronavirusun yeni mutasiyasına qarşı mübarizə,  apteklərdə sünu dərman qıtlığı yaradılması iddiası, turizm sahəsinin problemləri, Türkiyə hərbçilərinin Azərbaycana gəlməsi zərurəti və s. məsələlər medianın aparıcı mövzuları sırasındadır.  

“Azərbaycan” qəzeti  “Koronavirusun yeni ştammı daha sürətlə yayıldığı üçün sosial məsafə prinsiplərinə daha ciddi riayət etmək tövsiyə olunur” sərlövhəli məqalədə son vaxtlar koronavirusun yeni formasının ortaya çıxmasını dəyərləndirir.

Müəllif deyir ki, yeni ştamm əvvəlkindən 70 faiz daha çox sürətlə yayılır, həm də əlavə edir ki, əslində bu virus ortaya çıxandan sonra onun ən azı 4 minə yaxın mutasiyası baş verib.

Müəllifin fikrincə, bu mutasiyalar içərisində ən diqqətçəkəni onun yayılma dərəcəsinin daha da artmasıdır, orada təxminən 1255-ə yaxın amin turşusu var.

Vəli Axundov adına Elmi Tədqiqat Tibbi Profilaktika İnstitutunun direktoru, tibb elmləri doktoru, professor Adil Allahverdiyev bildirib ki, yeni ştamm sürətlə bir neçə ölkədə yayılmağa başlayıb və böyük panikaya səbəb olub.

Professor deyir ki, virus daha sürətlə yayıldığı üçün sosial məsafə prinsiplərinə daha ciddi riayət etmək tövsiyə olunur, 1,5-2 metr deyil, imkan olduqca daha çox məsafə saxlamaq məsləhət görülür.

Professor deyir ki, koronavirusa qarşı müxtəlif peyvəndlər hazırlansa da bu vaksinlərin virusun yeni ştammına qarşı nə dərəcədə effektivliyi hansı üsulla istehsal olunmasından asılıdır.

Onun fikrincə, effektivliyi 95 faiz olan vaksinlərin təsiretmə faizinin müəyyən qədər düşəcəyi gözlənilir. Əgər peyvənddən yeni ştamma qarşı istənilən nəticə əldə olunmazsa, vaksinlə bağlı araşdırmalar yenidən başlaya bilər”, - A.Allahverdiyev bildirib.

“Yenisabah.az” saytı “Apteklərdə süni dərman qıtlığı yaşanır, ciddi tədbir görülməlidir“-akademik-deputat” sərlövhəli məqalədə Azərbaycanda dərman preparatları sahəsindəki vəziyyətdən bəhs edilir. 

Məsələ ilə bağlı fikirlərini deputat Əhliman Əmiraslanov bildirir ki, 2021-ci ilin büdcə zərfində səhiyyə xərclərinin nəzərəçarpacaq dərəcədə artırılıb: “İlk dəfə olaraq belə rəqəmlərə rast gəlirik. 2021-ci ilin büdcə zərfində vəsaitin böyük qismi icbari tibbi sığortanın ölkəmizdə bütövlükdə tətbiqinə yönəlib.  2021-ci ilin yanvarından artıq 36 rayon və şəhərdə icbari tibbi sığorta tətbiq olunacaq. İnsanlarımız icbari tibbi sığortanı illərdir ki, gözləyir. Bunun bütövlükdə ölkədə həyata keçirilməsi əhaliyə tibbi xidmətin göstərilməsinin səviyyəsini yüksəldəcək”.

Bununla belə deputat bu gün pandemiyaya qarşı mübarizədə müəyyən çətinliklərin olduğunu deyib, xəstələrin ambulator müaliəsi üçün apteklərdə tivral dərmanların qıtlığı yaşanır: “Bu da süni yaradılmış qıtlıqdır. Bundan vəsait qazananlar var. Bununla bağlı ciddi tədbir tədbir görrülməlidir. Ölkəmizdə kifayət qəqər dərman ehtiyatı var, amma bu qıtlığı süni olaraq yaradırlar”.

“Redaktor.az” saytı “Koronavirusun çökdürdüyü turizm – restoranlar bağlı, otellər boşdur” sərlövhəli məqalədə Azərbaycanda turizm sahəsinin problemləri və perspektivləri müzakrə müstəvisinə gətirlir. 

Azərbaycan Turizm Asossiyasının sədri Əhməd Qurbanov ölkədə turizm sektorunun vəziyyətini şərh edir.

Assosiasiya rəhbəri bu sahədə belə vəziyyətin yaranmasına səbəb kimi mart ayından başlayan COVİD-19 pandemiyasını göstərir. Onun deməsinə görə, həmin vaxtdan bu yana turizm sahəsində durğunluq yaşanır: “Bu vaxta kimi həm sərhədlərin, həm də regionlar arası gediş-gəlişin bağlı olması turizm şirkətlərini çətin duruma salıb. Bu sahədə yeniliklər edilmədi, ən çox ziyan dəymiş sahələrdən biri məhz turizmdir", - qurum rəhbəri bildirir.

O hesab edir ki, bu sektorun yenidən əvvəlki halına gəlməsi üçün pandemiyanın yekunlaşması vacib şərtdir.

Assosiasiya rəhbəri əlavə edir ki, turizm spesifik sahə olduğu üçün daim inkişaf etməlidir və pandemiyadan sonra yeni turizm növlərinin tətbiqinə ehtiyac var.

“Düşünürəm ki, hazırda marketinq işləri ilə ciddi şəkildə məşğul olmaq lazımdır. Turizm şirkətləri gələcəkyönlü planlar, marşrut xətlərini hazır etməlidirlər. İşğaldan azad olunan ərazilərin də turizm potensialını aydın şəkildə görürük və gələcəkdə bu potensialdan istifadə etmək üçün indidən layihələr işləmək lazımdır” deyə çıxış yolu göstərilib.

“Azpolitikainfo”  saytı “Bu, bizim üçün çox təhlükəlidir”- “Türkiyə hərbçilərinin bölgəyə gəlməsini tələb edirik” sərlövhəli məqalədə Qarabağdakı mövcud durum politoloq Elxan Şahinoğlu ilə müzakirə edilir.

Politoloqa görə, İkinci Qarabağ Müharibəsindən sonra bu bölgədə proseslərin tam Azərbaycanın mili maraqları çərçivəsində inkişaf etdiyini söyləmək çox çətindir: “Rusiya sülhməramlılarının fəaliyyəti imzalanmış 10 noyabr bəyanatının  hüdudlarından çox kənara çıxır. Sənədə Azərbaycanın tələbilə salınmış bəzi müddəalar yerinə yetirilmir” deyə vurğulanır.    

Politoloq yada salır ki, bölgədə sayı bir neçə min nəfərə çatan erməni silahlı birləşmələrinin tərksilah edilməməsi ciddi suallar doğurur.

Bununla yanaşı politoloqa görə, Rusiyanın birtərəfli humanitar fəaliyyəti, ermənilərin məskunlaşdırılması, Azərbaycan üçün vacib olan kommunikasiyaların hələ də açılmaması bu suallar sırasına daxildir. 

Bu sahədə Türkiyə hərbçilərinin hələ də Qarabağa gəlməməsi də əsas problemlər sırasındadır.

Politoloq hesab edir ki, Rusiya sülhmərmalılarının Azərbaycan əleyhinə fəaliyyətlərinin qarşısnı almağa ancaq Türiyə hərb maşınının gücü çatar, amma bu sahədəki gözləntilər hələ ki özünü doğrultmur.

Politoloq Türkiyə hərbçilərinin Azərbaycana gəlişinin yubanmasından doğan narazılığı haqlı sayır.

Politoloq hesab edir ki, Azərbaycan üçün vacib olan Türkiyə və Azərbaycan hərbçilərinin Şuşada, Kəlbəcərdə, Laçında ərazilərə birgə patrul nəzarəti həyata keçirmələridir.

Politoloqun fikrincə, Rusiya sülhməramlılarının təkbaşına fəaliyyəti ciddi narahatlıq doğurur, özü də bu narahatlır təqdim edildiyindən daha iri miqyasdadır.

O hesab edir ki, Rusiya bölgədə sülh istəyirsə ilk növbədə erməni silahlılarını tərksilah etməli, Dağlıq Qarabağda Azərbaycan qanunlarının işləməsini təmin etməlidirlər: “Odur ki, Türkiyə hərçilərinin bölgədə varlığı tələb edilir və bu proses sürətlənməlidir”, -politoloq bildirir.