Açıq mənbələrdən foto
Bakı/29.06.19/Turan: İyunun 28-də polisin Müsavat Partiyasının mənzil-qərargahına müdaxiləsi nəticəsində "Həmrəylik marafonu"nun baş tutmamasına baxmayaraq, onun təşkilatçıları siyasi fəalların cərimələrinin ödənilməsi üçün vəsait toplanmasını davam etdirəcəklər. Bu barədə Turan-a marafonu təşkil edən Repressiyalar və İşgəncələr Əleyhinə Komitənin koordinatoru Oqtay Gülalıyev bildirib.
Onun sözlərinə görə, marafon AXCP lideri Əli Kərimli Müsavat Partiayasının ofisi önündə saxlandıqdan bir saat sonra dağıdılıb.
"Aksiyada məqsəd qanunsuz və ədalətsiz olaraq inzibati qaydada cərimələnmiş adamlara yardım etməkdir. Ötən ilin noyabrından 60-dan çox adam təxminən 11 min manat (6600 dollar) cərimələnib. Üstəlik, adamları təkcə etiraz aksiyalarında iştiraka görə yox, həm də Şəhidlər Xiyabanını kollektiv ziyarət etdiklərinə, həbsdə olan fəalların işləri üzrə proseslərə getdiklərinə görə cərimə ediblər", - O.Gülalıyev deyib.
Marafon baş tutmadığına görə lazımi vəsait toplanmayıb. Odur ki, Repressiyalar və İşgəncələr Əleyhinə Komitə cərimə edilmiş fəalların dəstəklənməsi üçün ianə yığımını davam etdirəcək. O.Gülalıyevin sözlərinə görə, aksiyanı dəstəkləyənlər çoxdur və yaxın günlərdə vəsait toplanacaq.-06D--
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz