Açiq mənbələrdən foto.
Bakı/29.07.22/Turan: İyulun 25-də Bakı Ağır Cinayətlər Məhkəməsində reportyor və LGBT fəalı Əvəz Şıxməmmədovun (Hafizli) qətlinə dair iş üzrə prosesdə prokuror son sözlə çıxış edib.
O, təqsirləndirilən Əmrulla Gülalıyevin 120.1-ci (qəsdən adam öldürmə) maddə ilə təqsirli bilinərək, 10,5 il müddətinə azadlıqdan məhrum edilməsini istəyib.
Dövlət ittihamçısı qeyd edib ki, işdə "yüngülləşdirici hallar" var - müttəhim təqsirini boynuna alıb, peşman olduğunu bildirib, həmçinin ilk dəfə cinayət törədib. Eyni zamanda, öldürülən şəxsin qardaşı - Təbriz Şıxməmmədov zərərçəkmiş tərəfin Gülalıyevi "bağışladığını" bildirib.
"Əmrulla Gülalıyev ailəmizin üzvü sayılır. Buna görə onu bağışlayırıq. 10,5 il azadlıqdan məhrumetmə çox ağır cəzadır. Prokuror daha yüngül cəza istəyə bilərdi", deyə "Azadlıq Radiosu"nun Azərbaycan xidməti mərhumun qardaşından sitat gətirir.
O, həmçinin öldürülən şəxsin anasının təqsirləndirilən şəxsə qarşı şikayətinin olmadığı haqqında notarial qaydada təsdiq edilmiş ərizəsini məhkəməyə təqdim edib.
Lakin LGBT fəalı Əziz Məlikov dövlət ittihamçısının təklif etdiyi cəzanı "çox az" hesab edir. Onun sözlərinə görə, işdə xüsusi amansızlıqla adam öldürmə əlamətləri var, belə ki, Hafizliyə 7 bıçaq zərbəsi vurulub. Qətlin nifrət zəminində törədilməsi ağırlaşdırıcı haldır.
** Əvəz Şıxməmmədov (Hafizli) bu il fevralın 22-də əmisi oğlu Əmrulla Gülalıyev tərəfindən öldürülüb. Gülalıyev Əvəzin "ailəni biabır etdiyini", ondan dəfələrlə qeyri-ənənəvi cinsi orientasiyadan "imtina etməyi" tələb etdiyini, amma bunun, nəticə vermədiyini bildirib.
Hafizli reportyor idi və etiraz aksiyalarını, o cümlədən LGBTİ+ birliyinin nümayəndələrinə qarşı zorakılıqları işıqlandırırdı. O, açıq təhdidlərə məruz qalırdı və zorakılıqda təqsirli olanların cəzalandırılması tələbi ilə təkbaşına aksiyalar keçirirdi. 06B
Cəmiyyət
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
Rəy yaz