�Qaraqızıl�lı Bakının üz qarasından

Təxminən 2015-ci ilə kimi ölkədə tikintilər olurdu. Lakin həmin vaxtlarda baş verən iqtisadi böhran "qul bazarı"nın canlanmasına səbəb olub. Paytaxtın müəyyən ərazisində işsizlərin toplaşdığı bu yerdə insanlar günə 5-10 manat qarşılığında seher 7-dən axşam 9-a kimi oturub gözləyirlər.

O "Qul bazarı" ki, yayın cəhənnəmini xatırladan istisində, qışın şaxtasında da orda insanlar olur. "Qul bazarı"nın insanları. Evinə bir parça çörək aparmaq üçün saatlarla gözləyən, müştəri görən kimi ümidlə üzərinə qaçan insanlar.

Körpünün altında saatlarla gözləyən fəhlələrin yaxınlıqdan keçən hər avtomobilə ümid dolu baxışları ürək ağrıdır. Onların əksəriyyəti bölgələrdən iş dalınca Bakıya axın edənlərdir.Yüzlərlə kişi hər gün səhər tezdən öz alətləri ilə birlikdə avtonəqliyyat körpüsünün altında dayanaraq ümidlə gözləyirlər ki, məhz bu gün kimdənsə yaxşı sifariş qəbul edəcək və uşaqlarına ərzaq alacaq.

Elvin adlı fəhlə deyir ki, "Gözümü açandan elə burada böyümüşəm. Məcburiyyət qarşısında düşmüşük bura. O maşını arxasıyca cum, bu maşının arxasıyca. Gündəlik qazandığımız isə xərcimizi güclə ödəyir. Uşağıma yemək ala bilim deyə telefonumu satmışam. 5-10 manatla ailə saxlamaq olar? ".

Fəhlələr 2 gün iş olanda 10 gün iş olmur deyir. Bir neçə fəhlə isə səhər saatlarından indiyənə kimi iş düşmədiyi üçün gileylənir.Oradakı bəzi fəhlələr isə utandıqlarından qəzet parçası ilə üzlərini örtür.

Fəhlələr işlə bağlı bir neçə yerə müraciət etsələr də heç bir xeyri olmadığını deyir.

Dövlət Statistika Komitəsindən əsasən 2016-cı ildə 190 min, 2017-ci ildə isə 122 min iş yeri açıldığı bildirilir.

Lakin müstəqil ekspertlər hökümətin verdiyi rəqəmlərin inandırıcı olamdığını, ölkədə iqtisadi geriləmə, böhran olduğunu deyir.