QHT-lər dövlətə necə yardım göstərə bilər?

Bakı/24.04.18/Turan: Helsinki Vətəndaş Assambleyası Azərbaycan Milli Komitəsi (HVAAMK) Beynəlxalq Münaqişələr və Danışıqlar Mərkəzi (ICCN Gürcüstan) və GPPAC (Niderland) ilə birlikdə aprelin 22-də Bakıda Azərbaycan və Gürcüstan vətəndaş cəmiyyəti ekspertlərinin "İqtisadi əməkdaşlıq yolu ilə Cənubi Qafqazda münaqişələrin qarşısının alınması" mövzusunda görüşünü keçirib.

Görüş qonşu regional dövlətlərin iqtisadi əməkdaşlıq potensialının öyrənilməsi məqsədilə təşkil edilib. Bu zaman onların Avropa İttifaqı (Aİ) və Avrasiya İqtisadi Birliyi (AİB) kimi siyasi- iqtisadi qurumlarda onların iştiraklarının müxtəif payı nəzərə alınır.

İqtisadçı-ekspert Sabit Bağırovun "İqtisadi amillər, üstünlüklər və çağırışlar kontekstində Azərbaycanın Avrasiya İqtisadi Birliyində potensial iştirakı. Azərbaycan Avropa layihələrinin təmas nöqtəsi ola bilərmi?" mövzusunda işi məhz bu aspektə həsr edilib.

Məruzəçi AİB-nin baza sənədlərinin əsas xarakteristikasını işıqlandırıb və qeyd edib ki, həmin sənədlərdə ölkələrin suveren hüquqları üçün hədə və risklər yoxdur. Gürcüstanlı həmkarının "Ermənistan Azərbaycanın AİB-ə daxil olmasına razılıq verərmi?" sualının cavabında S.Bağırov deyib ki, bu məsələ ortaya çıxarsa, formal hüquq əsasında deyil, bu təşkilatdakı aparıcı ölkənin faktiki iradəsi əsasında həll olunacaq ki, bu ölkə də Rusiyadır.

Tbilisi Dövlət Universitetinin professoru İosif Arçvadze ö məlumatında son on ildə Gürcüstan-Azərbaycan iqtisadi əməkdaşlığının vəziyyəti və inkişaf tendensiyasını işıqlandırıb.

Əyri diaqramlar və məlumat cədvəlləri 2012-ci ildən sonra bu əməkdaşlığın həcminin kəskin endiyini göstərib.

Bununla yanaşı Azərbaycan Gürcüstanın həm ticarət, həm də investisiyalar üzrə mühüm tərəfdaşları siyahısında ikinci yeri tutur.

İqtisadçı Natiq Cəfərli öz məlumatını Azərbaycanla Aİ arasında danışıqlar mövzusuna, onlar arasındakı əməkdaşlığın vəziyyətinə, ölkə iqtisadiyyatının qərb vektorunun inkişaf perspektivlərinə həsr edib. Məruzəçi qeyd edib ki, Azərbaycan Avropa ölkələri ilə əməkdaşlğın genişləndirilməsində maraqlıdır, tərəfdaşlıq layihəsinin iştirakçılarının əksəriyyətindən fərqli olaraq, Aİ ilə əməkdaşlığın hansısa ümumi müqavilə ilə aktiv institusionallaşması məqsədini güdmür, konkret ikitərəfli layihələrə diqqəti yönəldir.

Politoloq Zərdüşt Əlizadə nizamlanmamış etno-ərazi münaqişələrinin Cənubi Qafqaz regionu daxilindəki iqtisadi münasibətlərin perspektivlərinə təsiri və region dövlətlərinin iri siyasi-iqtisadi qurumlara inteqrasiyasının mümkünlüyü ilə bağlı fikirlərini açıqlayıb.

Şərqşünas Fərda Əsədov öz çıxışını qloballaşma, regional siyasi və iqtisadi inteqrasiya prosesində dəyərlərin roluna həsr edib.

İqtisadçı Paata Saqareyşvili konkret nümunələrlə korrupsiya və qadağanedici tədbirlərin iqtisadi layihələrin və investisiyaların effektivliyinin azalmasındakı rolunu göstərib.

Qubad İbadoğlu "Gürcüstanla Azərbaycan arasında mübahisəli məsələlərin nizamlanmasında və iqtisadi problemlərin həllində sərhədyanı əməkdaşlığın təcrübəsi" mövzusunda çıxış edib.

Arçil Sixarulidze "Gürcüstanın Azərbaycanın enerji resurslarından istidadə etmək yolu ilə Rusiyadan enerji asılılığını azaltmaq cəhdləri" ilə bağlı fikirlərini açıqlayıb.

İqtisadçı Vaxtanq Çaraiya "Gürcüstanın onun işğal edilmiş əraziləri ilə yeni əməkdaşlıq yolları və Azərbaycanın bu prosesə qoşulmasının mümkünlüyü" mövzusunda çıxış edib.

GPAAC-ICCN proqramının koordinatoru Zaal Ancaparidze mövzunun müzakirəsi zamanı qeyd edib ki, bu təşəbbüsün reallaşması icraçılardan böyük takt və bacarıq tələb edir.

Marina Poçuxa Gürcüstanda müvəqqəti köçkünlərin yeni reallığa adaptasiyası kimi çətin problemin həllindən danışıb.

Məruzələrə dair diskussiyalarda Turan agentliyinin analitiki Toğrul Cuvarlı, professor Əli Abbasov, Arzu Abdullayeva və başqaları iştirak ediblər.

Görüş iqtisadi layihələrin vəziyyətinin təhlili və onların həyata keçirilməsinin effektivliyinin artırılması üçün təkliflərin hazırlanması ilə bağlı vətəndaş cəmiyyətinin böyük potensialının olduğunu göstərib.

Növbəti görüşün yayın əvvəlində Tbilisidə keçirilməsi qərara alınıb.-0-