Açiq mənbələrdən foto.
Bakı/24.06.23/Turan: Bu gün Nizami Rayon Məhkəməsi gənc fəal Qiyas İbrahimovun inzibati həbs müddətini 32 günə qədər uzadıb.
Bu barədə Turan-a onun vəkili Elçin Sadıqov bildirib.
Onun sözlərinə görə, sən demə, iyunun 22-də məhkəmə ona ittiham edildiyi İnzibati Xətalar Məcəlləsinin yalnız bir maddəsi - 535.1-ci (polisə tabe olmama) ilə cəza təyin edib.
Bu gün isə məhkəmə onu İnzibati Xətalar Məcəlləsinin 388.1.1-ci ("yayılması qadağan edilmiş məlumatın yerləşdirilməsi haqqında qanunvericiliyin tələblərini pozma) maddə ilə də təqsirli bilib.
Sadıqovun sözlərinə görə, müdafiə tərəfi artıq həbsdən apellyasiya şikayəti verib.
Vəkil deyib ki, İbrahimov qanunsuz həbsinə və inzibati qaydada həbs olunanların saxlanma məntəqəsində pis rəftara qarşı etiraz əlaməti olaraq ikinci gündür ki, quru aclıq edir.
İbrahimov iyunun 22-də günorta saatlarında saxlanılıb. Mülki geyimli şəxslər onun evinə gəliblər, iyunun 20-də Söyüdlü kəndindəki etiraz aksiyasının amansızlıqla dağıdılması ilə əlaqədar sosial şəbəkələrdə dərc etdiyi polisin və hakimiyyətin ünvanına tənqidi yazını silməyi tələb ediblər.
İbrahimov əvvəllər də həbs olunub. Belə ki, 2016-cı ildə o, hazırda dünyasını dəyişmiş Bayram Məmmədovla birlikdə Heydər Əliyevin abidəsinin üzərində siyasi şüarlar yazdıqdan sonra həbs edilib. Hər iki gənc 10 il müddətinə azadlıqdan məhrum edilib, amma 2019-cu ildə əfv olunublar. В06
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz