Qiyas İbrahimov. azadliq.org
Qiyas və Həsən İbrahimovların işi üzrə məhkəmə istintaqı yekunlaşıb
Bakı/07.12.17/Turan: Dünən Yasamal Rayon Məhkəməsində məhkəməyə hörmətsizlikdə ittiham olunan gənc fəal Qiyas İbrahimovun və atası Həsən İbrahimovun işi üzrə istintaq yekunlaşıb.
İclasın əvvəlində hakim Hüseyn Səfərov bildirib ki, BAM-ın hakimləri Məmmədov, Qasımov və Bayramov "üzrlü səbəbdən" prosesə gələ bilmədikləri barədə teleqram göndəriblər. Amma İbrahimovların vəkili buna etiraz edib.
O qeyd edib ki, hər üç hakimin istintaqa verdiyi ifadələr "nöqtə-vergülünə qədər eynidir".
Bundan başqa, ifadələr və Qiyas İbrahimovun işi üzrə prosesdə çəkilmiş videoyazı arasında uyğunsuzluqlar var, deyə vəkil əlavə edib.
"Məsələn, hakimlər iddia edirlər ki, Həsən İbrahimov onlara "alçaq oğlu" deyib. Amma kadrlardan görünür ki, orada belə bir ifadə səslənməyib", deyən Sadıqov bir daha hakimlərin prosesə çağırılması barədə vəsatət qaldırıb.
Amma hakim Səfərov vəsatəti təmin etməyib.
Daha sonra təqsirləndirilən Qiyas və Həsən İbrahimovlar çıxış ediblər.
"Oğlunun və ailəmizin qarşılaşdığı bu böhtandan, ədalətsizlikdən mənəvi və psixoloji olaraq yorulmuşam. O anda mənim hakimlərin elədiyi haqsızlığa etirazım kürəyinə xəyanət xəncəri sancılmış adamın çəkdiyi əzabdan "uff" deməsi idi. Evdə tək olan aciz bir qadını itələyib, evə bir kiloqram narkotik atırlarsa, hardadır haqq-ədalət? Mən də dedim ki, əgər haqqı unurdursunuzsa, ədalətsizlik eləyirsinizsə, sizin də övladlarınızın başına gəlsin, görəsiniz ki, biz nə çəkirik", deyə Həsən İbrahimov bildirib.
Qiyas İbrahimov, öz növbəsində. , "məhkəməyə hörmətsizlik etmədiyini" deyib.
Əksinə, hakim Məmmədov onu çıxış etmək imkanından məhrum edərək, onun hüquqlarını pozub.
"Mən sadəcə, sözümün kəsilməsinə etiraz olaraq, mikrofonu çıxarmışam. Əgər bu hadisədə hüquq pozuntusu varsa, onu da Vüqar Məmmədov eləyib - mənim söz demək hüququmu pozub", deyə Qiyas İbrahimov bildirib.
İclasın sonunda məhkəmə istintaqının yekunlaşdığı elan olunub.
Prokurorun çıxışı dekabrın 12-nə təyin edilib.
* Ata və oğul İbrahimovlar CM-in 289.2-ci (hakimə hörmətsizlik) maddəsi ilə ittiham olunurlar.
Cinayət işi bu il iyunun 5-də Bakı Apellyasiya Məkəməsində baş vermiş insidentlə əlaqədar açılıb. Qiyas İbrahimov dövlət ittihamçısının çıxışı zamanı şüşə qəfəsdəki mikrofonu çıxarıb (Qiyas İbrahimov və Bayram Məmmədov Heydər Əliyevin abidəsinə siyasi şüarlar yazdıqdan sonra qanunsuz narkotik dövriyyəsi ittihamı ilə 10 il müddətinə azadlıqdan məhrum edilib). Bu, hakimin Qiyasın heç nə eşitmədiyi haqqında çağırışlarına məhəl qoymamasından sonra baş verib.
Məhkəmə nəzarətçiləri qəfəsə daxil olublar və İbrahimova qandal taxaraq kobud qüvvə tətbiq ediblər. Fəalın qəzəblənən atası etirazını bildirib, hakimi zorakılığa son qoymağa çağırıb. O, "Gün gələcək, sizin də övladlarınızın başına belə bir şey gələcək", deyə qışqırıb.
Bakı Apellyasiya Məhkəməsinin hakimləri Vüqar Məmmədov, Əflatun Qasımov və Əmir Bayramov bunu özlərinə qarşı hörmətsizlik kimi qiymətləndiriblər. -06D-
-
- Maliyyə
- 7 Dekabr 2017 14:06
-
- Çətin sual
- 7 Dekabr 2017 15:08
Cəmiyyət
-
Ötən gecə iki avtoxuliqan şəhərin mərkəzində yarışa girərək, zəncirvari qəza törədib.
-
Azercell-in dəstəyi ilə beynəlxalq olimpiadalara hazırlaşan məktəblilər daha 10 medal qazanıblar 16-21 aprel 2024-cü il tarixlərində Bolqarıstanın Şumen şəhərində informatika fənni üzrə yüksək səviyyəli turnir keçirilib. Sözügedən müsabiqədə “Azercell Telekom” MMC-nin Elm və Təhsil Nazirliyinin tərəfdaşlığı çərçivəsində İnformatika üzrə beynəlxalq olimpiadalara hazırlaşan məktəblilərimiz uğurlu nəticələr əldə ediblər. Onlayn fortmatda yarışa qatılan şagirdlər yuxarı yaş qrupu üzrə 5 gümüş, aşağı yaş qrupu üzrə 5 bürünc medal olmaqla ümumilikdə 10 medal qazanıblar.
-
Azərbaycanda saxlamalar, həbslər davam edir. Dünən, aprelin 29-da Seçkilərin Monitorinqi və Demokratiyanın Tədrisi Mərkəzinin sədri Anar Məmmədli saxlanıb. Onun da qaçaqmalçılıqda şübhəli sayıldığı deyilir. Son aylar Azərbaycanda 20-yə qədər jurnalist, ictimai fəal qaçaqmalçılıq ittihamı ilə həbs edilib. Onlar ittiham ilə razılaşmır, bunu peşə fəaliyyətləri və siyasi sifarişlə izah edirlər.
-
Mayın 1-də Bakıda və Abşeron yarımadasında hava şəraiti əsasən yağmursuz keçəcək. Havanın temperaturu gündüz 21-26 dərəcə isti təşkil edəcək.
Rəy yaz