Bakı/12.06.19/Turan: Matç zamanı "İstefa!" şüarını səsləndirən bir qrup azarkeş Nizami Rayon Polis İdarəsinin 24-cü bölməsinə aparılıb.
Onlardan biri bildirib ki, Azərbaycan yığması Slovakiya komandası ilə oyunda üç qol buraxdıqdan sonra tamaşaçılar yerlərindən qalxaraq "İstefa!" şüarını səsləndirməyə başlayıblar.
4-cü qoldan sonra şüar daha ucadan səsləndirilib. Mülki geyimli şəxslər 17 azarkeşi polis bölməsinə aparıblar. Orada onlara deyiblər ki, istefa tələbinin yığmanın baş məşqçisinə (xorvatiyalı mütəxəssis Nikola Yurçeviç) ünvanlanması barədə açıqlama yazsınlar. Əslində "İstefa!" şüarı AFFA rəhbəliyinə ünvanlanıb.
Saat 23.00-a yaxın saxlanılanların hamısı buraxılıb. 24-cü polis bölməsindən və DİN-dən şərh almaq mümkün olmayıb.-0-
* * *
2019 İyun 12 (Çərşənbə) 13:07:57
Yığma komanda biabırcasına uduzur, azarkeşləri cəzalandırırlar?
Bakı/12.06.19/Turan: Ötən gün Azərbaycanın futbol üzrə yığması "Avro- 2020" seçmə mərhələsi çərçivəsində öz meydançasında Slovakiya yığmasına 1:5 hesabı ilə məğlub olub.
Milli komandanın oyunu tribunalardakı yerli azarkeşlərin hiddətinə səbəb olub və onlar AFFA-nın (Azərbaycan Futbol Federasiyaları Assosiasiyası) ünvanına "İstefa!" şüarını səsləndiriblər.
Hadisənin şahidlərinin söylədiklərinə görə, "İstefa!" şüarını səsləndirənləri elə azərkeşlərin arasında olan mülki geyimlilər saxlayıblar. 70-80 nəfər saxlanılaraq stadiondan çıxarılıb.
Həmin şəxslərin sonrakı taleyi hələlik məlum deyil. Çünki rəsmi orqanlar heç bir informasiya vermirlər, DİN və paytaxt polisindən isə şərh almaq mümkün olmayıb.
Bu, Azərbaycanın seçmə oyunlarında üçüncü məğlubiyyətidir. Bundan öncə Xorvatiyaya 1:2, Macarıstana 1:3 hesabı ilə məğlub olub. Bu qrupda Uels yığması da iştirak edir.
Qeyd edək ki, AFFA-nın prezidenti SOCAR rəhbəri Rövnəq Abdullayevdir. -05D06--
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz