Strateji Araşdırmalar Mərkəzinin rəhbəri Eynulla Fətullayevin saytını məhkəməyə vermək niyyətindədir
Prezident yanında Strateji Araşdırmalar Mərkzinin direktoru Fərhad Məmmədov jurnalist Eynulla Fətullayevin rəhbərlik etdiyi haqqin.az saytını məhkəməyə verməklə hədələyən bəyanat yayıb.
Məmmədovun qəzəblənməsinə səbəb aprelin 2-də bu saytda “Fərhad Məmmədov: Elnur Aslanov bu vəzifəyə layiq deyil” başlıqlı məqalənin dərc edilməsi olub.
Məqalədə Prezident Administrasiyasının keçmiş şöbə rəhbərinin Rabitə Nazirliyinin şöbə rəisi təyin edilməsindən bəhs edilir.
“Bu nəşr həqiqətə uyğun deyil. Nə bu gün, nə də əvvəlki dövrlərdə həmin sayt ilə əlaqələrim olmayıb və onlara hər-hansı bir mövzuda müsahibə verməmişəm. Mənimlə “eksklüziv müsahibə” adlı material isə açıq şantaj və böhtan xarakteri daşıyır.
Barəmdə yazılan böhtanla əlaqədar olaraq, məhkəmə instansiyalarına müraciət etmək hüququmu özümdə saxlayıram”, deyə bəyanatda bildirilir. -0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz