Bakı/23.08.17/Turan: Avqustun 23-də Bakı Ağır Cinayətlər Məhkəməsində hakim Azad Məcidovun sədrliyi ilə Suriya və Pakistanda qanunsuz silahlı birləşmələrin tərkibində müharibədə iştirak etməkdə ittiham olunan Rövşən Qədirovun işi üzrə proses yekunlaşıb.
Məhkəmə onu Azərbaycan CM-in 218 (cinayətkar birliyin təşkili) və 279-cu (qanunvericilikdə nəzərdə tutulmayan silahlı birləşmə yaratma) maddələri iki təqsirli bilib və 10 il müddətinə azadlıqdan məhrumetmə cəzasına məhkum edib.
Qədirov ittihamları təkzib edib. Bu barədə Turan-a vəkil Adəm Məmmədov bildirib.
İttiham aktına əsasən, Azərbaycanın Quba rayonunun sakini Qədirov qazanc üçün Türkiyəyə gedib. Orada İbrahim adlı Türkiyə vətəndaşı ilə tanış olub, o, Qədirova Pakistandakı proseslər, silahlı islamçı qrupların şəriətin müdafiəsi uğrunda fəaliyyəti və onların "müsəlmanlara zülm edənlərə" qarşı mübarizələri haqqında məlumat verib.
İbrahimin təsiri altında Qədirov 2009-cu ildə cihad üçün Pakistana gedib və "Yunus" ləqəbli komandirin rəhbərlik etdiyi "Türk camaatı"na qoşulub.
Amma sonradan onun "digər mücahidlərlə fikir ayrılıqları yaranıb" və o, 2010-cu ilin martında Türkiyəyə qayıdıb. 2011-ci ilin sentyabrında Qədirov "yenidən cihadda iştirak etməyə qərar verib", bu dəfə Suriyaya yola düşüb. Amma 2012-ci ilin yanvarında yaralandıqdan sonra Qədirov Türkiyəyə qayıdıb.
Bu il aprelin 17-də o, Azərbaycana gəlib və bir müddət sonra həbs olunub.
Qədirov ittihamları təkzib edib, Pakistanda ümumiyyətlə olmadığını, Suriyaya isə humanitar yardım aparmaq üçün getdiyini bildirib.
Vəkilin sözlərinə görə, istintaq Qədirova qarşı heç bir dəlil təqdim etməyib, yalnız təzyiq altında onun özündən alınmış ifadələrə əsaslanıb.
Müdafiə tərəfin məlumatına görə, Qədirov ümumiyyətlə radikal dini cərəyanların təqibçisi deyil, sufiliyə etiqad edir.
Vəkil hökmü "həddindən artıq ağır" adlandırıb və bildirib ki, müdafiə tərəfi hökmdən apellyasiya şikayəti verəcək. - 06B-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz