Bakı/23.06.22/Turan: “Müsəlman Birliyi” Hərəkatının lideri Taleh Bağırzadə güc qurumları əməkdaşlarının Allaha küfür etməsinə etiraz olaraq 20 gün öncə elan etdiyi aclıq aksiyasını cümə axşamı dayandırıb. O bu barədə iyunun 23-də telefonla yaxınlarına bildirib.
Bağırzadə öz tərəfdarlarını da aclığı dayandırmağa çağırıb. O deyib ki, digər aclıq edənlərin səhhətində problemlərlə bağlı tanınmış şəxslərin çoxsaylı müraciətlərini nəzərə alaraq aksiyanı dayandırır.
Bununla belə, Bağırzadə qeyd edib ki, Allahı təhqir edənlər və hüquq-mühafizə orqanlarında vətəndaşlara işgəncə verənlər cəzalandırılana qədər dindarlar hər cümə günü dinc aksiyaları davam etdirəcəklər.
Xatırladaq ki, Taleh Bağırzadə dindarların dindirilməsi zamanı güc qurumları əməkdaşlarının Allaha küfür etməsinə etiraz olaraq iyunun 3-də aclığa başlamışdı. Həbsxanalarda ondan çox məhbus və azadlıqda olan bəzi adamlar aclığı dəstəkləyiblər. Daxili İşlər Nazirliyi polis əməkdaşlarının Allahı təhqir etməsi faktını təkzib edir və bu barədə deyilənləri yalan adlandırır.-06B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz