Dindarları niyə agent adlandırırlar? – Rauf Mirqədirov“Çətin sual” qarşısında

Bakı/23.06.22/Turan: 20 gündən çoxdur ki, həbsxanada aclıq aksiyası keçirən “Müsəlman Birliyi” hərəkatının rəhbəri Taleh Bağırzadənin və aksiyaya qoşulan bir neçə hərəkat tərəfdarının məsələsi sosial medianın əsas mövzularındandır. Belə düşünənlər var ki, Taleh Bağırzadə və tərəfdarları aclıq aksiyası keçirməklə Azərbaycanda dini gərginliyin yaranmasında maraqlıdırlar. Onlar Taleh Bağırzadəni və "Müsəlman Birliyi" hərəkatını İranın maraqlarına xidmət etməkdə və hazırkı aclıq aksiyasının tapşırığının Tehrandan gəldiyini iddia edirlər.

İnsan haqları müdafiəçiləri isə bildirir ki, ortada insan haqları pozuntusu var və Taleh Bağırzadə azadlığa çıxmalıdır.

T.Bağırzadə və aclıq aksiyasına qoşulan 11 nəfərin iddiasına görə, polisdə dindirmə zamanı Allah təhqir olunub və bunu edənlər cəzalandırılmalıdır.

Daxili İşlər Nazirliyi (DİN) isə aksiya keçirənlərin bu iddialarını rədd edib və bildirib ki, bu, böhtandır.

Sosial şəbəkələrdə dindarlarla sekulyarlar arasında mübahisələr, İranın Azərbaycanda dini gərginliyi artırmaq məqsədilə T.Bağırzadə və tərəfdarlarına təlimat verməsi kimi məsələlər barədə siyasi şərhçi Rauf Mirqədirov Kamran Mahmudovun təqdimatında yayımlanan “Çətin sual” verilişində şərh edir.

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.fb.com/turanagency