Azərbaycan və Fransa arasında siyasi məsləhətləşmələr
Bakı/23.06.22/Turan: Parisdə Fransa və Azərbaycan xarici siyasət idarələri nümayəndələrinin Xarici İşlər nazirliklərarası məsləhətləşmələri keçirilib.
Məsləhətləşmələrdə nümayəndə heyətlərinə Azərbaycan xarici işlər nazirinin müavini Xələf Xələfov və Fransa Xarici İşlər Nazirliyinin Kontinental Avropa İdarəsinin direktoru Frederik Mondoloni rəhbərlik ediblər.
Azərbaycan Xarici İşlər Nazirliyinin mətbuat xidmətinin məlumatında deyilir ki, tərəflər ikitərəfli münasibətlərin hazırkı vəziyyətini və perspektivlərini, iqtisadi və humanitar əməkdaşlığın inkişafını, Azərbaycanın Avropa ölkələri və Avropa İttifaqı ilə münasibətlərini müzakirə ediblər.
Regionda vəziyyət, üçtərəfli bəyanatların (Azərbaycan, Ermənistan və Rusiya liderlərinin) reallaşdırılması, Azərbaycanla Ermənistan arasında münasibətlərin normallaşdırılması ilə bağlı fikir mübadiləsi aparılıb.
Parisə səfər zamanı Xələfov Fransa Senatının xarici işlər və müdafiə üzrə komissiyasının sədr müavini Joel Gerrio, həmçinin analitik mərkəzlərin, elmi və siyasi dairələrin nümayəndələrilə görüşüb.
Görüş zamanı tərəflər Fransa şirkətlərinin Cənubi Qafqazda yeni nəqliyyat-logistika infrastrukturunun formalaşmasında və Azərbaycanın işğaldan azad edilmiş ərazilərinin bərpasında iştirakının mümkünlüyü barədə fikir mübadiləsi aparıblar. –06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz