![Vəkil Azərbaycan Beynəlxalq Bankının keçmiş rəhbərinin hüquqlarının pozulduğunu bildirib](https://turan.az/resized/news/2024/L7bJkLMvevVn2XiuvdYe8fhwwPQURN1UaJb7DSvB-750-500-resize.webp)
Vəkil Azərbaycan Beynəlxalq Bankının keçmiş rəhbərinin hüquqlarının pozulduğunu bildirib
Vəkil Azərbaycan Beynəlxalq Bankının keçmiş rəhbərinin hüquqlarının pozulduğunu bildirib
Azərbaycan Beynəlxalq Bankının keçmiş rəhbəri, həbsdə olan Cahangir Hacıyevin vəkili onun hüquqlarının pozulduğunu bildirib.
Fəxrəddin Mehdiyev Turan-a bildirib ki, bacısı ilə birgə sahibi olduğu mənzilin məhkəmə qərarı ilə müsadirəsi prosesi başlayıb.
Vəkilin sözlərinə görə, mənzil 1990-cı illərdə Hacıyev Azərbaycan Beynəlxalq Bankının rəhbəri olmadan əvvəl alınıb.
Eyni zamanda, fiziki şəxslərin əmlaklarının siyahısı var ki, onlara qarşı məhkəmə qərarlarının icrası haqqında tələblər irəli sürülə bilməz. 5 iyun 2002-ci ildə Nazirlər Kabineti tərəfindən təsdiq edilmiş bu sənədə əsasən, borclunun və onun ailəsinin yeganə yaşayış yeri olan mənzil, ev və ya onun ayrı-ayrı hissələri müsadirə edilə bilməz.
Vəkil qeyd edib ki, mənzilin müsadirə edilməsinin qanunsuzluğu ilə bağlı məhkəmə orqanlarına şikayətlər təmin edilməyib və hazırda mənzilin alınması prosesi başlayıb.
Keçmiş bankirin başqa yaşayış yerinin olub-olmaması barədə sualın cavabında vəkil deyib ki, Hacıyevin başqa əmlakı müsadirə olunub, ancaq mənzil təkdir.
Vəkil Hacıyevin hüquqları ilə bağlı digər pozuntu kimi onun maraqlarını təmsil etmək üçün bacısına və vəkilə notariat qaydasında etibarnamə vermək imkanından məhrum edilməsini qeyd edib.
"Avropa İnsan Hüquqları Məhkəməsinin qərarından üç ay keçsə də, Cahangir Hacıyev indiyədək kompensasiya ala bilmir, çünki bacısına etibarnamə vermək imkanından məhrum edilib. Mülki işlər üzrə məhkəmələrdə onu təmsil etmək üçün mənə də etibarnamə verə bilmir", - vəkil deyil.
Ötən gün keçmiş bankirin bacısı Əminə Hacıyeva Azərbaycan prezidenti İlham Əliyevə müraciət edərək səhhətinin pisləşməsi nəzərə alaraq "mərhəmət" göstərilməsini xahiş edib.
*Cahangir Hacıyev 2015-ci il dekabrın 5-də həbs olunub. Bakı Ağır Cinayətlər Məhkəməsi onu 15 il azadlıqdan məhrum edib. O və iş üzrə keçən digər yeddi nəfər sui-istifadə, külli miqdarda ziyan vurmaqla dələduzluq, mənimsəmə, israfçılıq, vəzifə səlahiyyətini aşmaq, rüşvət verməkdə təqsirli bilinib.
2018-ci iln dekabrında baş prokuror Hacıyevə qarşı yeni ittihamlar - külli miqdarda vəsaitin mənimsənilməsi, cinayət yoluyla əldə edilmiş vəsaitin leqallaşdırılması, vergidən yayınma və digər ittihamlar irəli sürüb.
Qeyri-rəsmi məlumatlara görə, mənimsənilən məbləğ bir neçə milyard manat təşkil edib.
2019-cu ilin sentyabrında məhkəmə Hacıyevin cəza müddətinə daha bir il yarım əlavə edib.
Lakin 2020-ci ilin fevralında Bakı Apellyasiya Məhkəməsi qanunvericilikdə Cinayət Məcəlləsinin 179.3 (külli miqdarda mənimsəmə) və 308.2-ci (vəzifə səlahiyyətlərindən sui-istifadə) maddələri üzrə cəzaların yumşaldılması ilə əlaqədar müddəti 3 ay azaldıb.
2022-ci ilin fevralında Avropa İnsan Hüquqları Məhkəməsi Cahangir Hacıyevin məhkəməyəqədərki həbslə əlaqədar şikayətini təmin edib və ona 3500 avro məbləğində kompensasiya ödənilməsi barədə qərar verib.
-
- Maliyyə
- 5 Aprel 2024 12:31
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz