Rəşad Ramazanov
Vəkil: “Bloger Rəşad Ramazanova işgəncə verilməsi faktı məhkəmə istintaqı zamanı təsdiqlənib”
Bakı/05.05.23/Turan: Mayın 4-də Bakı Ağır Cinayətlər Məhkəməsində bloger Rəşad Ramazanovun işi üzrə növbəti iclas keçirilib, vəkil Elçin Sadıqov Turan-a bildirib.
Saxlanıldıqdan sonra polis bölməsində ona işgəncə verilməsilə bağlı Rəşad Ramazanovun bəyanatları ilə əlaqədar müdafiə tərəfi onun şikayətinin araşdırılması üçün vəsatət qaldırmışdı.
Ramazanov saxlanıldıqdan sonra aparıldığı Sabunçu Rayon Polis İdarəsinin 14-cü bölməsinə, həmçinin onun barəsində həbs qətimkan tədbiri seçildikdən sonra köçürüldüyü Bakı 1 saylı İstintaq Təcridxanasına məhkəmə tərəfindən sorğu göndərilib.
Vəkil qeyd edib ki, mayın 4-də məhkəmənin sorğularına rəsmi cavablar gəlib. 14-cü bölmədən verilən cavabda göstərilib ki, Ramazanov bu idarəyə daxil olduğu zaman onun üzərində bədən xəsarəti olmayıb. Lakin istintaq təcridxanasının cavabında qeyd olunur ki, Ramazanov bu müəssisəyə daxil olanda onun hər iki budunda, burnunda, alnında qançır şəklində bədən xəsarətləri aşkar edilib.
Vəkilin fikrincə, cavabların məzmunu saxlandıqdan sonra blogerin etirafedici ifadə verməsi üçün ona fiziki təzyiq olması faktını təsdiqləyir.
Azərbaycan Ali Məhkəməsinin "məhkəmə təcrübəsinin ümumiləşdirilməsi"nə əsasən, işgəncə faktı təsdiqlənərsə, müttəhimə məhkəmə tərəfindən bəraət verilməlidir, çünki ona qarşı qanunsuz əməllər tətbiq edilib.
"İstintaqın nəticələrilə bağlı məhkəmənin hansı qərarı qəbul edəcəyini bilmirəm, amma qanuna görə, yeganə düzgün qərar bəraət hökmü olmalıdır",- Sadıqov deyib.
Dünən məhkəmə ilkin dindirmədə iştirak etmiş, Azərbaycan Daxili İşlər Nazirliyinin Baş Narkotiklərlə Mübarizə İdarəsinin təhqiqat şöbəsinin rəisinin şahid qismində məhkəməyə çağırılması barədə müdafiə tərəfinin vəsatətini təmin edib. Növbəti məhkəmə iclası mayın 25-nə təyin edilib və polis zabiti prosesə gəlməlidir, vəkil deyib.
* Rəşad Ramazanov 20 may 2022-ci ildə saxlanılıb, ertəsi gün isə Cinayət Məcəlləsinin 234.4.3-cü maddəsilə (külli miqdarda narkotik maddənin qanunsuz dövriyyəsi) 4 ay müddətinə həbs edilib. Onu 5 ildən 12 ilədək həbs təhlükəsi üzləşir. Hazırda onun işinə Bakı Ağır Cinayətlər Məhkəməsində baxılır.
Rəşad Ramazanov həmçinin 2013-cü ilin mayında həbs edilib və külli miqdarda narkotik maddənin qanunsuz dövriyyəsi ittihamı ilə 9 il müddətinə azadlıqdan məhrum edilmişdi. Yerli hüquq-müdafiə təşkilatları bildiriblər ki, həbsin əsl səbəbi sosial şəbəkələrdə hakimiyyətin tənqid edilməsidir. Onlar Ramazanovu siyasi məhbus kimi tanıyıblar. 2019-cu ilin martında dövlət başçısı əfv edib. 06B
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz